Kigali

Abakinnyi ba Benediction Excel Energy bakomerekeye mu isiganwa ryo muri RDC

Imyidagaduro   Yanditswe na: Dusingizimana Remy 5 August 2019 Yasuwe: 1056

Abakinnyi b’Abanyarwanda bakina umukino wo gusiganwa ku magare mu ikipe ya Benediction Excel Energy baraye bakomerekeye mu Gace ka Kabiri ka Tour de la RDC ubwo bari mu gikundi kinini bahanganira kugatwara.



Abakinnyi bagera kuri 20 barimo n’ab’Ikipe ya Benediction Excel Energy y’i Rubavu bakomerekeye muri iyi mpanuka ikomeye ubwo batanguranwaga ku murongo wo gutsinda cyane ko bagombaga gusoza bamanuka baza gutegwa n’utugabanyamuvuduko ‘dos d’âne’ baragwa.

Umutoza wa RDC, Nsumbu Matthias Pierre, yabwiye Actualité du Congo ko iyi mpanuka yatewe n’uko isiganwa ryasorejwe ahamanuka ndetse hari n’utugabanyamuvuduko.

Yagize ati ”Akagabanyamavuduko ‘dos d’âne’ ni ko kateye impanuka, ubwo abakinnyi banyongaga batanguranwa, bari ku muvuduko nk’uw’ibilometero 60 na 70, hari umwe wabangamiye abandi atuma bagwa. Dukurikije ibibaye, ntabwo uyu munsi wakabazwe, mu gitondo bari batubwiye ko isiganwa rirangirira ahazamuka. Twatunguwe no gusanga ari aha, dutegereje igikurikiraho.”

Ku basiganwa bamwe, aka gace ka kabiri gashobora no kuba aka nyuma nk’uko byatangajwe n’uhagarariye ubuvuzi muri iri rushanwa, Roger Lissa Temo.

Yagize ati ”Hari abahahamutse, abandi birasaba kubanyuza mu cyuma kuko bakutse intugu. Hari n’uwo bigaragaga ko ashobora kuba yavunitse umurundi.”

Uwizeyimana Bonaventure na Nsengimana Jean Bosco bagaragaye biyambuye hejuru, aho bikekwa ko bari muri bamwe mu baguye hasi.

Ruberwa Jean Damascène wari wambaye umwenda w’umuhondo ndetse we biravugwa ko ntacyo yabaye.

Uyoboye iri rushanwa Francis Ducreux yanenze bikomeye abariteguye ngo kuko ntaho byabaye ko amagare asorezwa ahamanuka, ndetse asaba abategura inzira kwiga neza uko uyu mukino ukinwa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mirafa yatangaje itandukaniro riri hagati y’umukinnyi wa APR FC n’uwa Rayon...

Umukinnyi Nizeyimana Mirafa ukina hagati mu ikipe ya Rayon Sports yatangaje...
19 November 2019 Yasuwe: 3117 0

Cristiano Ronaldo yavuze ku mubano we n’umutoza Maurizio Sarri uherutse...

Kera kabaye Cristiano Ronaldo yavuze ku mubano we n’umutoza wa...
19 November 2019 Yasuwe: 1574 0

Cristiano Ronaldo yasezeranyije abanya-Portugal akandi gahigo agiye...

Cristiano Ronaldo watsinze igitego cya kabiri mu mukino wo gushaka itike...
19 November 2019 Yasuwe: 913 0

N’golo Kante yaciye ibintu kubera umukinnyi yatangaje ko yahita agura...

Umukinnyi N’golo Kante ukina hagati mu kibuga mu ikipe ya Chelsea yongeye...
18 November 2019 Yasuwe: 6026 0

Karim Benzema wifuza ko Ubufaransa bumwemerera gukinira Algeria yahawe...

Rutahizamu Karim Benzema yarakajwe bikomeye n’amagambo yatangajwe n’umuyobozi...
18 November 2019 Yasuwe: 5954 0

Abakinnyi b’abagore muri Espagne bigaragambije

Imyigaragambyo y’abagore bakina umupira w’amaguru muri shampiyona y’icyiciro...
18 November 2019 Yasuwe: 1322 0