Ikipe ya APR FC yinjiye mu mwaka wa 2020 ihagaze neza cyane kuko irangije igice cya mbere cya shampiyona idatsinzwe na rimwe ndetse isaruye akayabo ka milioni mirongo itandatu n’eshanu (65,000,000FRW) mu mukino yatsinzemo mukeba Rayon Sports ibitego 2-0.

Sponsored Ad

Nkuko amakuru agera ku Umuryango abitangaza,APR FC yari yakiriye uyu mukino w’ishyiraniro,yatahanye amanota 3 ndetse n’akayabo ka miliyoni zisaga 65 FRW.

Kwinjira muri uyu mukino byari VVIP: 20,000 FRW,VIP: 15,000 FRW,Intebe z’icyatsi:10,000 FRW,Intebe z’umuhondo: 5,000 FRW mu gihe ahasigaye hose hari 2,000 FRW.

Uyu mukino wari witabiriwe cyane bitewe n’uguhangana kw’aya makipe yombi ndetse n’ukuntu wari washuhijwe cyane mu binyamakuru no ku mbuga nkoranyambaga ahanini bitewe n’uko APR FC yarushaga Rayon Sports amamota 3 gusa.

Stade Amahoro yarakubise iruzura hanyuma abaguze amatike bamwe bemererwa kujya guhagarara hasi hafi y’ikibuga kubera kubura aho bicara.

APR FC yacyuye amanota 3 n’akayabo k’amamiliyoni

AMAFOTO: Rwanda Magazine