Kigali
startimes

Akazi kacu ni nk’urupfu iyo rugushatse rurakubona-Mashami Vincent

Imyidagaduro   Yanditswe na: Dusingizimana Remy 18 November 2019 Yasuwe: 1922

Umutoza w’ikipe y’igihugu Amavubi,Mashami Vincent wari wahawe ikiraka cy’amezi 3 kugira ngo ahabwe amasezerano ahoraho,yavuze ko kwirukanwa ku kazi k’ubutoza ari nk’urupfu ntaho yabihungira cyane ko ngo yatanze ibyo yari afite byose.



Mashami wahawe ibizamini 3 birimo icyo kubona amanota 4 muri 6 y’imikino 2 ya mbere mu gushaka itike ya CAN 2020,yatsinzwe iyi mikino yombi bituma benshi bibaza ku hazaza h’uyu mutoza w’igihugu.

Mashami Vincent waraye atsinzwe na Cameroon igitego 1-0, yabwiye abanyamakuru ko adafite ubwoba bwo kwirukanwa kuko ngo akazi kabo buri gihe baba biteguye gukomeza cyangwa bagasezererwa.

Yagize ati “Akazi kacu ni nko kuvuga ngo urahunga urupfu.Isaha yose rwagushakira rwakubona waba uri mu buvumo,aho waba uri hose rwagukurayo.Akazi kacu ntabwo tureba cyane mu mpapuro kuko ntizishobora kugukorera akazi,ushobora kuba ufite niyo myaka 5 y’amasezerano n’akazi kakarangira n’umwaka utararangira.

Nagerageje gukora ibyo nari nshinzwe mu bushobozi bwanjye,ubwo ahasigaye n’ah’ababishinzwe gukora izo gahunda zose,bazareba.Ubuzima buzakomeza kuko aha nicaye ndakeka sinjye wa mbere uhicaye si nanjye wa nyuma.”

Mu mezi 3 Mashami Vincent yahawe,yatsinze ibizamini bibiri birimo kugeza Amavubi mu itsinda ryo gushaka itike y’igikombe cy’isi ndetse ageza u Rwanda mu mikino ya CHAN izabera muri Cameroon mu mwaka utaha.

Muri aya mezi 3 Mashami yari yahawe akinnyemo imikino 6 y’amarushanwa, aho atsinze imikino 3, atsindwa 2 undi mukino 1 arawunganya.

Amasezerano ya Mashami Vincent yarangiye,agiye gutegereza icyemezo abakoresha be barimo FERWAFA na MINISPOR bazafata ku hazaza he.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble kavatiri

    Mashami sinakurenga watanze ibyo wari ushoboye gusa ibyo udashoboye hari ababishobora URwanda rwageze kure ritozwa nabazungu.muge mumateka murabibona ndacyeka muri kano karere dufite abakinnyi bakomeye arko ntamutoza dufite.

    November 2019

Inzindi nkuru

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 1251 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 896 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 1617 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4241 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1667 0

Munyakazi Sadate yasubije KNC wareze Rayon Sports muri FERWAFA kubera...

Umuyobozi w’ikipe ya Rayon Sports,Munyakazi Sadate,yibukije Gasogi United ko...
10 July 2020 Yasuwe: 2867 0