APR FC yakinnye iminota 43 ari abakinnyi 10,yihimuye kuri Rayon Sports yayitwaye igikombe cya shampiyona Umwaka ushize,iyitsinda ibitego 2-0 mu mikino w’umunsi wa 15 WA shampiyona.

Sponsored Ad

APR FC yari yaraye itangaje ko abakinnyi bayo barimo Manzi Thierry na Imanishimwe Emmanuel uzwi nka Mangwende badahari yatunguranye ugashyira kuri rutonde rwa 11 babanje mu kibuga.

Rayon Sports yagiye mu kibuga abafana bayo batishimye cyane ko kizigenza wabo Kakule Mugheni Fabrice wimwe umwanya n’umutoza Martinez.

Umupira Watangiye amakipe yombi ahuzagurika ndetse Yohana cyane ariko ku munota wa 11 Bizimana Yannick asigarana n’umunyezamu Rwabugiri aramucenga ateye umupira ujya hanze.

Ku munota wa 20 w’umukino, Byiringiro Lague WA APR FC, yafunguye amazamu ku mupira uremereye yatereye ku murongo w’urubuga rw’amahina,Kimenyi Yves asanga wageze mu nshundura.

Omborenga Fitina ni we wazamukanye uyu mupira, acenga Rutanga mbere yo kuwuhindura ba myugariro ba Rayon Sports bawihera Uyu rutahizamu Wahise atera umupira mu izamu .Mu kwishimira igitego uyu musore ukiri muto yakuyemo umupira ahabwa ikarita y’umuhondo.

Ku munota wa 25 Imanishimwe Emmanuel yakase umupira ukomeye imbere y’izamu habura mugenzi we usunikira mu izamu.

Ku munota wa 36,Ombolenga Fitina yateye coup franc ikomeye Kimenyi Yves ashyira umupira muri koloneri yatewe ntiyagira icyo itanga.

APR FC yahereye ku munota wa 25 ikina umupira wo ku rwego two hejuru wo guhererekanya cyane, Rayon Sports iribura cyane ,icyuho cya Mugheni kirigaragaza cyane.

Mu gice cya mbere, APR FC yaruhije bigaragarira buri wese Rayon Sports by’umwihariko mu kibuga hagati aho Mirafa na Commodore bananiwe guhagarika Sefu na Bukuru ndetse banatakazaga imipira myinshi.

Rayon Sports yatsinzwe irushwa mu gice cya mbere cy’umukino,yatangiye igice cya kabiri isimbuza aho yakuye mu kibuga Mirafa na Commodore bitwaye nabi cyane yinjiza Imran Nshimiyimana na Ciza Hussein.Nyuma yaje gukuramo Iranzi Jean Claude asimburwa na Mugisha Gilbert.

APR FC yahuye n’uruva gusenya ku munota wa 48,ubwo Byiringo Lague yahabwaga ikarita ya kabiri y’umuhondo akiniye nabi Rutanga Eric, yamuviriyemo umutuku.

Nyuma yo guhabwa ikarita y’umutuku, APR FC yakoze Impinduka 2,Niyomugabo Claude asimburwa na Mushimiyimana Mohamed hanyuma Manishimwe Djabel asimburwa na Butera Andrew.

Impinduka za APR FC zabyaye umusaruro mwiza kuko ku munota wa 60 yahushije igitego cyabazwe nyuma y’umupira wahinduwe na Imanishimwe Emmanuel mu rubuga rw’amahina,Danny Usengimana ashyiraho umutwe uca hejuru.

Ku munota wa 67,Rayon Sports yahushije igitego cyabazwe ubwo Michael Sarpong yateye umupira ukomeye mu izamu, umunyezamu Rwabugiri awufashe uramucika,Bizimana Yannick awusubije mu izamu ahura nawo,ahita awufata.

Rayon Sports yari ifite abakinnyi benshi mu kibuga, yagerageje gusatira cyane guhera ku munota wa 70,abakinnyi barimo Rutanga Eric, Ciza Hussein na Bizimana Yannick batera mu izamu umunyezamu Rwabugiri Omar ababera ibamba.

Ku munota wa 75 w’umukino, Mugunga Yves winjiye mu kibuga asimbuye Danny Usengimana,yatsinze igitego cya 2 cya APR FC ariko umusifuzi avuga ko yaraririye.

Uko iminota yakomeje kwicuma,Rayon Sports yakomeje gushaka igitego cyo kwishyura bituma APR FC isubira inyuma kugarira ndetse igerageza gutinza Umukino.

Rayon Sports yabonye uburyo bwinshi imbere y’izamu ariko ntiyabasha kububyaza umusaruro, by’umwihariko Bizimana Yannick wabonye uburyo bubiri bukomeye imbere y’izamu wenyine, atera umupira hejuru y’izamu.

APR FC yari yahaye rugari Rayon Sports, yatsinze igitego cya kabiri kuri coup franc yatewe neza na Manzi Thierry ahana ikosa Ndizeye yari akoreye kuri Mugunga inyuma gato y’urubuga rw’amahina ku munota wa 88.

Iki gitego cyashimangiye amanota 3 ya APR FC ndetse no kurangiza igice cya mbere cya Shampiyona iri ku mwanya wa mbere w’agateganyo n’amanota 37 kuri 31 ya Rayon Sports iyikurikiye.APR FC irangije imikino 15 ya mbere ya shampiyona idatsinzwe na rimwe.

Mu yindi mikino,Kiyovu Sports yanyagiye Mukuru VS ibitego 4-2 iyisanze ku kibuga cyayo,Marines FC itsinda Musanze FC 1-0 mu gihe AS Muhanga Yanganyije na Sunrise FC 0-0.