Kigali

APR FC yakatishije itike yo kwerekeza muri ¼ nyuma yo kwitsinda kwa Green Eagles

Imyidagaduro   Yanditswe na: Dusingizimana Remy 8 July 2019 Yasuwe: 3010

APR FC yabimburiye andi makipe kwerekeza mu mikino ya ¼ cy’irangiza mu mikino ya CECAFA Kagame Cup 2019 nyuma yo kubona amahirwe, umukinnyi wa Green Eagles bakinaga akitsinda igitego.



Nubwo abatahizamu ba APR FC bongeye kuyitenguha,ntibyayibujije kwerekeza mu mikino ya ¼ cy’irangiza kuko igitego 1-0 Green Eagles yitsinze cyabaye imbarutso ikomeye.

Igice cya mbere cy’umukino cyaranzwe no kuyobora umukino ku rwego rwo hejuru kwa APR FC ariko ba rutahizamu barimo Sugira Ernest na Byiringiro Lague ntibabyaza umusaruro amahirwe babonye yo gutera mu izamu.

Nkuko byagenze mu mukino wa mbere,APR FC yagowe n’umunyezamu Sebastian Mwange wa Green Eagles wabereye ibamba abakinnyi ba APR FC akuramo amashoti yose yatewe.Igice cya mbere cyarangiye ari 0-0.

APR FC yasabwaga gutsinda ngo yerekeze muri ¼ cy’irangiza,yafunguye amazamu ku munota wa 59 w’umukino,ubwo Ombolenga yahinduraga umupira imbere y’izamu rya Green Eagles,Borface Sunzu aritsinda.

Ku munota wa 70 APR FC yashoboraga kubona igitego cya kabiri ariko rutahizamu Byiringiro Lague ananirwa gutsinda umunyezamu bari basigaranye bonyine.

APR FC yabashije kurinda iki gitego birangira itsinze umukino ndetse iyobora itsinda C n’amanota 6, Proline FC na Green Eagles banganya amanota 3 mu gihe Heegan FC ifite 0.

Uko imikino y’uyu munsi yagenze :
Group C

Green Eagles 0-1 APR FC
PROLINE FC 2-0 Heegan FC

Group D
GORMAHIA 2-1 AS Maniema
KMKM 0-2 AS PORTS





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Ngoga

    avoka y’imbwa imanuka ihiye kbs, ndemeye. ikipe yitsinze igitego n’umwataka wari bugitsinde ubona asinziriye ataziyobijya niyo biva.

    July 2019
  • chat_bubble Mwiza

    iri tsinda APR irimo na Muhanga yazamuka ari iyambere, aya makipe barikumwe ntanimwe yatwaye igikombe cya championa iwayo.

    July 2019
  • chat_bubble muzungupaul

    Akogatego kamwe harigihe kazabura

    July 2019

Inzindi nkuru

Umutoza mukuru w’ikipe ya APR FC yishimiye cyane imyitwarire ya ruatahizamu...

Umutoza mukuru w’ikipe ya APR FC, Mohammed Adil Erradi yishimiye cyane...
18 February 2020 Yasuwe: 2665 0

Kevin de Bruyne azahomba akayabo Manchester City nitsindwa igahagarikwa...

Umukinnyi Kevin De Bruyne ufite ubuhanga budasanzwe mu kibuga hagati...
18 February 2020 Yasuwe: 1720 0

U Rwanda rwisanze mu itsinda rimwe na Uganda muri CHAN 2020

Tombola y’uko amakipe azahura mu mikino ya nyuma ya CHAN 2020 izabera muri...
17 February 2020 Yasuwe: 1883 0

Stephen Curry ukundwa na benshi muri NBA n’umugore we baciye ibintu kubera...

Umukinnyi ukomeye mu ikipe ya Golden State Warriors, Stephen Curry w’imyaka...
17 February 2020 Yasuwe: 4007 0

Rayon Sports na APR FC zatomboranye n’ibigugu mu mikino y’igikombe cy’Amahoro...

Amakipe y’ibigugu hano mu Rwanda Ariyo APR FC na Rayon Sports zamaze kumenya...
17 February 2020 Yasuwe: 4376 0

Amavubi yamenye inkangara aherereyemo muri Tombola y’amatsinda ya CHAN...

Kuri uyu wa Mbere taliki ya 17 Gashyantare 2020, nibwo mu mujyi wa Yaounde...
17 February 2020 Yasuwe: 1784 0