addresiya
Kigali
startimes

APR FC yatwaye igikombe cya shampiyona ku nshuro ya 18 nyuma yo gusubikwa burundu kwa shampiyona

Imyidagaduro   Yanditswe na: Dusingizimana Remy 22 May 2020 Yasuwe: 2345

Kuri uyu wa Gatanu tariki ya 22 Gicurasi 2020,APR FC yahawe ìgikombe cya Shampiyona nyuma y’aho FERWAFA yafashe umwanzuro wo guhagarika burundu shampiyona.



Ishingiye ku itegeko nomero 33 rigenga sitati ya FERWAFA n’itegeko 28 rigenga amategeko shingiro yayo, Komite Nyobozi ya FERWAFA yafashe icyemezo cyo guha APR FC igikombe cy’uyu mwaka w’imikino wa 2019/20 nyuma yo kwemeza ko isorejwe aho yari igeze kubera COVID-19.

APR FC nk’ikipe irusha izindi amanota kugeza ubu, niyo yahawe igikombe hanyuma Gicumbi na Heroes ziramanuka. Izizamuka zizamenyekana hakinwe play-offs mu cyiciro cya kabiri.

APR FC yari itaratsindwa mu mikino 23 yakinnye muri shampiyona y’uyu mwaka w’imikino 2019-2020,yatwaye igikombe ndetse izahagararira u Rwanda muri CAF Champions League mu gihe izasohokera u Rwanda muri Confederation Cup itaramenyekana.

Amakipe ane yari aya mbere mu matsinda, A na B, yari afite ibyangombwa byuzuye byo gukina uyu mwaka w’imikino wa 2019/20, ni yo azemererwa gukina imikino ya Playoffs mu cyiciro cya kabiri.

Shampiyona y’icyiciro cya mbere n’icya kabiri mu bagore, zahagaze mbere y’uko imikino ibanza irangira, zizasubukurwa ubwo Guverinoma y’u Rwanda izaba yemeje ko ibikorwa by’imikino byemerewe gusubukurwa.

Igikombe cy’Amahoro cya 2020 cyahagaze kigeze muri 1/8, cyasheshwe burundi gifatwa nk’ikitarabayeho mu gihe Amarushanwa y’Abato yabaye asubitswe.

Hemejwe ko APR FC itwara igikombe cya shampiyona cyabaye icya 18 yegukanye, ikaba ari nayo ifite ibikombe byinshi mu Rwanda, ikurikiwe na Rayon Spots ifite 9 naho Kiyovu Sports ikagira bitatu.

Ibikombe bya Shampiyona APR FC yegukanye ni : 1995, 1996, 1999, 2000, 2001, 2003, 2005, 2006, 2007, 2009, 2010, 2011, 2012, 2014, 2015, 2016 na 2018.

Ubwo Shampiyona y’Icyiciro cya Mbere mu Rwanda yasubikwagwa kuwa 15 Werurwe 2020, APR FC yari gukina na Espoir FC, yari ku mwanya wa mbere n’amanota 57 mu mikino 23, Rayon Sports iri ku mwanya wa kabiri n’amanota 51 mu mikino 24.

Espoir FC yanganyaga amanota 17 na Heroes FC, zikurikiwe na Gicumbi FC ya nyuma n’amanota 16.

Tariki ya 07 Gicurasi 2020,Minisiteri ya siporo yatangaje ko ishingiye ku myanzuro y’Inama y’abaminisitiri yafashwe kuwa 30 Mata 2020,ko gahunda z’imikino zigomba kuba zihagaze yafashe umwanzuro wo guhagarika imikino kugeza muri Nzeri 2020.Imyitozo ku makipe izatangira mu kwezi kwa Munani kubera icyorezo cya Covid -19.

Uyu mwanzuro watumye FERWAFA ihita itumira abanyamuryango bayo mu nama rusange yabaye hifashishijwe ikoranabuhanga,tariki ya 08 Gicurasi 2020,aho bamwe basabye ko shampiyona ihagarikirwa aho yari igeze,hanyuma APR FC igahabwa igikombe cya shampiyona 2019-2020.

Icyakora APR FC n’andi makipe make bifuje ko shampiyona itasubikwa ahubwo bagategereza igihe byazaba bishoboka igasubukurwa hagakinwa imikino 7 yari isigaye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1222 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1594 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2360 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4743 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3503 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7960 2