Ikipe ya APR FC ikomeje ubudasa bwayo,yisubije igikombe cy’Intwari cya 2020 nyuma yo kunganya 0-0 na Kiyovu Sports yari yitezweho kuyikoma mu nkokora kuri uyu mukino wa nyuma wabereye kuri Stade Amahoro.
Kubera ikibazo cy’imvura,ikibuga cya stade Amahoro cyabaye intabire cyane bituma amakipe yombi akina imipira miremire itatumye babona amahirwe menshi y’ibitego.
Mu mukino wari wabanje,Police FC yanyagiye Mukura VS ibitego 4-1 byatsinzwe na Iyabivuze Ose, Songa Isaie, Nshuti Savio na Ngendahimana Eric.
APR FC ikomeje inzira yo kudatsindwa,yegukanye igikombe cy’Intwari n’amanota 7 na sheki ya miliyoni 6, Police FC irangiza ku mwanya wa kabiri n’amanota 6 ihabwa sheki ya miliyoni 3, Kiyovu Sports yagize amanota 4 na sheki ya miliyoni 2 mu gihe Mukura Victory Sports yatashye nta nota na rimwe yahawe miliyoni 1.
Mu bagore iki gikombe cyegukanywe na Scandinavia nyuma yo gutsinda AS Kigali 1-0 ku munsi w’ejo hashize. Mu cyiciro cy’abasirikare igikombe cyegukanywe n’icyicaro gikuru (General Headquarters) batsinze abarashisha imbunda ziremereye (Artillery Division) ibitego 2-1.
Leave a Reply
Your email address will not be published. Required fields are marked *