Kigali

APR FC yisubije umwanya w’icyubahiro mu gihe Gasogi United yahagamye Police FC

Imyidagaduro   Yanditswe na: Dusingizimana Remy 22 October 2019 Yasuwe: 3718

APR FC yongeye kwereka Marines FC murumuna wayo ko ari ubukombe iyitsinda ibitego 2-1 mu mukino w’umunsi wa 04 wa shampiyona wabereye I Rubavu mu gihe Gasogi United ikomeje gutungurana yahagamye Police FC banganya 0-0.



APR FC yamanutse I Rubavu idafite rutahizamu wayo Sugira Ernest wahanwe,yakomeje gushimangira ko ari ubukombe,itsindira Marines FC ku kibuga cyayo ibitego 2-1.

APR FC yatangiye umukino irusha cyane Marines FC, yafunguye amazamu ku munota wa 20 w’umukino ku gitego cyatsinzwe na Danny Usengimana ku kazi gakomeye kakozwe na myugariro Imanishimwe Emmanuel uzwi nka Mangwende.

Marines FC yari ku kibuga cyayo,yaje kwishyura iki gitego ku munota wa 40 gitsinzwe na Muzerwa Amini ku mutwe bituma igice cya mbere kirangira ari 1-1.

APR FC yashakaga kuyobora shampiyona by’agateganyo,yagerageje gushaka igitego cy’intsinzi,ibigeraho ku munota wa 66 ubwo umunyezamu wa Marines FC, Rukundo Protogene uzwi nka Tiger yategeraga mu rubuga rw’amahina Nshuti Innocent,umusifuzi ahita yemeza ko ari penaliti.

Iyi penaliti yatewe neza na Nizeyimana Djuma,APR FC iba ibonye igitego cya kabiri cyayifashije kuva I Rubavu n’ishema ryinshi.Myugariro Imanishimwe Emmanuel uzwi nka Mangwende yitwaye neza muri uyu mukino kuko yakoze uburyo bubiri bwabyaye ibitego.

Ku rundi ruhande,Gasogi United ikomeje kwereka benshi ko ari ikipe ikomeye ndetse yaje mu cyiciro ibikwiriye,kuko yahagamye Police FC banganya 0-0.

APR FC yongeye kwisubiza umwanya wa mbere wa shampiyona by’agateganyo n’amanota 10 aho ikurikiwe na Mukura VS na Police FC zinganya amanota 8 mu gihe Rayon Sports igomba kwisobanura na Bugesera FC ku I saa 18h00 ifite 7.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuyobozi wa Manchester United yatewe n’abafana bari bariye karungu bashaka...

Abafana bikekwa ko ari aba Manchester United barakaye cyane batera urugo...
29 January 2020 Yasuwe: 584 0

#UBUTWARI Cup 2020:APR FC yigaranzuye Police FC mu gihe Kiyovu Sports...

Benshi mu bakunzi ba ruhago bakomeje kwibaza uzahagarika APR FC...
28 January 2020 Yasuwe: 3128 3

Rutahizamu w’ikipe ya Rayon Sports Iranzi Jean Claude yatijwe

Rutahizamu w’ikipe ya Rayon Sports wari mu igeragezwa mu Misiri, Iranzi Jean...
28 January 2020 Yasuwe: 3464 0

Amateka ya Kobe Bryant wakoze amateka akomeye muri Basketball uherutse...

Icyamamare Kobe Bryant yahogoje benshi kubera impanuka y’indege ya...
28 January 2020 Yasuwe: 1454 0

Hamenyekanye akayabo k’amadolari Kobe Bryant yasize

Mu ijoro ryo ku cyumweru taliki 26 Mutarama 2020 mu Rwanda, bikaba ku...
28 January 2020 Yasuwe: 7305 0

Cristiano Ronaldo yatangaje ikintu kibi umuhungu we yatumye...

Rutahizamu wa Juventus, Cristiano Ronaldo,yatangaje ko kwitwararika mu...
28 January 2020 Yasuwe: 7812 2