Kigali

Arsenal na Manchester United zatomboye amakipe yihagazeho muri Europa League

Imyidagaduro   Yanditswe na: Dusingizimana Remy 16 December 2019 Yasuwe: 3122

Amakipe ya Arsenal na Manchester United yatomboye amakipe 2 yavuye mu mikino ya UEFA Champions League abaye aya 3 mu matsinda yayo ariyo Olympiacos na Club Brugge.



Kuri uyu wa Mbere taliki ya 16 Ukuboza 2019 nibwo habaye tombola ya 1/32 cya UEFA Europa League aho ikipe ya Arsenal yatomboye Olympiacos yabaye iya 3 mu itsinda B rya Champions League y’uyu mwaka mu gihe Manchester United yatomboye Club Brugge yabaye iya 3 mu itsinda A.

Arsenal na Manchester United zabaye iza mbere mu matsinda yazo muri Europa League y’uyu mwaka,zigomba gutangira zisura aya makipe zatomboye gusa ntabwo azazorohera na busa.

Club Brugge yabaye iya 3 mu itsinda ryarimo Real Madrid na PSG ndetse yibukirwa ku inota rikomeye yakuye ku kibuga Santiago Benabeu,inganya na Real Madrid 2-2.

Club Brugge izakina na Manchester United irimo abakinnyi bazwi muri Afurika nka Percy Tau,Dennis Bonaventure na Krepin Diatta wo muri Senegal.

Ikipe ya Olympiacos yo isanzwe ikomeye I Burayi ndetse yagerageje guhangana na Tottenham ya Jose Mourinho mu itsinda B gusa ntibyayikundira.

Olympiacos ikinira ku kibuga cyitwa Karaiskakis bigora amakipe kuhakura amanota cyane ko yanahanganyirije na Tottenham 2-2,ihatsindirwa na Bayern ibitego 3-2 muri uyu mwaka.

Manchester United yaherukaga guhurira na Club Brugge mu mikino yo gukuranamo ya UEFA Champions League 2015/16,iyitsinda ibitego 7-1 mu mikino yombi.

Arsenal yaherukaga guhura na Olimpiakos mu matsinda ya UEFA Champions League ya 2015/16.Iyi kipe yo mu Bugereki yatsindiye Arsenal iwayo ibitego 3-2 mu gihe umukino wo kwishyura wari witezwe na benshi Arsenal yayitsindiye ku kibuga cyayo ibitego 3-0 byose byatsinzwe na Olivier Giroud.

Imikino yose ya 1/32 cya UEFA Europa League irimo ubanza n’uwo kwishyura izakinwa taliki ya 20 na 27 Gashyantare 2019.



Uko tombola yose yagenze

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rutahizamu w’ikipe ya Rayon Sports Iranzi Jean Claude yatijwe

Rutahizamu w’ikipe ya Rayon Sports wari mu igeragezwa mu Misiri, Iranzi Jean...
28 January 2020 Yasuwe: 2936 0

Amateka ya Kobe Bryant wakoze amateka akomeye muri Basketball uherutse...

Icyamamare Kobe Bryant yahogoje benshi kubera impanuka y’indege ya...
28 January 2020 Yasuwe: 1321 0

Hamenyekanye akayabo k’amadolari Kobe Bryant yasize

Mu ijoro ryo ku cyumweru taliki 26 Mutarama 2020 mu Rwanda, bikaba ku...
28 January 2020 Yasuwe: 7047 0

Cristiano Ronaldo yatangaje ikintu kibi umuhungu we yatumye...

Rutahizamu wa Juventus, Cristiano Ronaldo,yatangaje ko kwitwararika mu...
28 January 2020 Yasuwe: 7485 2

Perezida Sadate yashimiye APR FC yahanye umuvugizi wayo wibasiye Rayon...

Perezida wa Rayon Sports,Munyakazi Sadate, yishimiye cyane umwanzuro...
27 January 2020 Yasuwe: 6409 2

Areruya Joseph yahembwe nk’umukinnyi wahatanye cyane kurusha abandi,Team...

Irushanwa rikomeye ry’amagare muri Africa La Tropicale Amissa Bongo...
27 January 2020 Yasuwe: 3101 0