Ikipe ya Arsenal irashaka kugurisha kapiteni wayo Pierre-Emerick Aubameyang wanze kongera amasezerano mashya ariko irifuza akayabo ka miliyoni 50 z’amapawundi ku makipe amwifuza.

Sponsored Ad

Uyu munya Gabon usigaje amezi 18 ku masezerano afitanye na Arsenal,biravugwa ko yanze kongera amasezerano mashya ariyo mpamvu n’iyi kipe yo mu mujyi wa London yiyemeje kumushakamo amafaranga nyuma y’uyu mwaka w’imikino.

Ikipe ya FC Barcelona niyo iri ku isonga mu kwifuza uyu rutahizamu ariko Arsenal irifuza akayabo ka miliyoni 50 z’amapawundi kandi afite imyaka 30.

Aubameyang wageze muri Arsenal muri 2018 aguzwe akayabo ka miliyoni 57 muri Dortmund,amaze gukinira iyi kipe imikino 97 ayitsindira ibitego 61.

Barcelona irifuza Aubameyang kugira ngo afatanye na Luis Suarez ariko ishobora kutemera gutanga aka kayabo k’amapawundi Arsenal ishaka.

Aubameyang yanze kongera amasezerano kubera ko Arsenal nta bushobozi ifite bwo kongera gukina UEFA Champions League cyangwa kwegukana ibikombe.

Ikinyamakuru Sport cyo muri Espagne nicyo cyatangaje ko Arsenal yabwiye FC Barcelona ko niba ishaka uyu munya Gabon yatanga miliyoni 50 z’amapawundi.