Ikipe ya Arsenal iri ku rwego rwo hasi cyane yatangiye kubona ko ibintu byakomeye ariyo mpamvu amakuru avuga ko yatangiye ibiganiro n’umunya Espagne Luis Enrique kugira ngo asimbure Unai Emery ukomeje kuyijyana aharindimuka.

Sponsored Ad

Ikipe ya Arsenal imaze imikino 5 yikurikiranya idatsinda ariyo mpamvu umuyobozi w’imikino Raul Sanllehi yatangiye kugirana ibiganiro na Luis Enrique watoje FC Barcelona imyaka 3, akayihesha UEFA Champions League n’ibindi bikombe byinshi.

Arsenal yamanutse ku mwanya wa 06 ku rutonde rwa shampiyona nyuma yo gutsindwa na Leicester City ibitego 2-0,ndetse ikipe ya 4 muri shampiyona Manchester City irayirusha amanota 8 yose.

Nyuma yo gutsindwa na Leicester City umutoza Unai yasabye ko abafana ba Arsenal bamwihanganira bakamuha igihe gusa abubatse izina muri iyi kipe barimo uwitwa Ian Wright basabye ubuyobozi kumwirukana.

Ikinyamakuru El Confidencial cyemeje ko umutoza Luis Enrique ari mu mboni z’ubuyobozi bwa Arsenal cyane ko ngo ari nawe wifuzwaga mbere ya Unai Emery.

Luis Enrique arahabwa amahirwe menshi yo gusimbura Emery muri Arsenal