Kigali

AS Kigali yahagamye Rayon Sports iyibuza gusatira mukeba wayo APR FC

Imyidagaduro   Yanditswe na: Dusingizimana Remy 11 January 2020 Yasuwe: 2846

Ikipe ya Rayon Sports yananiwe kwanikira Police FC bahanganye ku mwanya wa kabiri ubwo yanganyaga na AS Kigali 0-0 mu mukino w’umunsi wa 17 wa shampiyona y’icyiciro cya mbere wabereye kuri stade ya Kigali I Nyamorambo.



Rayon Sports ihanganye na mukeba wayo ndetse na Police FC mu rugamba rwo gushaka igikombe cya shampiyona,yananiwe gutsinda AS Kigali mu mukino banganyije 0-0.

Benshi mu bakunzi ba Rayon Sports baje kuri uyu mukino biteze ko ikipe yabo itsinda igahita irusha Police FC amanota 3cyane ko yoyanganyije na Musanze FC igitego 1-1 ku munsi w’ejo ariko siko byagenze kuko nayo yatsikiye imbere ya AS Kigali.

Nkuko bigaragazwa n’umusaruro uvuyemo,aya makipe yombi yakiniye cyane hagati cyane gusa hagiye haboneka uburyo bwiza ba rutahizamu ntibabubyaze umusaruro.

Uyu wari umukino wa kabiri wa Sugira Ernest waherukaga guhesha amanota 3 Rayon Sports ayitsindira igitego 1-0 Gasogi United,ariko nabwo yinjiye asimbuye ku munota wa 46 w’umukino mugenzi we Sekamana Maxime.

Ku munota wa 35 w’umukino, Rayon Sports yabuze igitego cyabazwe ku mupira w’umuterekano watewe na Iranzi Bakame awukuramo, usanga Bizimana Yannick wari uhagaze mu rubuga rw’amahina awusubiza mu izamu ugarurwa na Rusheshangoga byarangiye.

AS Kigali nayo yabonye uburyo bukomeye ubwo ku munota wa 55 Ndekwe Felix yahaga umupira mwiza Luc Martel wari usigaranye n’umuzamu Kimenyi, ariko umupira awutera hejuru y’izamu.

Rayon Sports ntiyashoboye gusatira mukeba wayo APR FC,kuko igize amanota 35 ku mwanya wa kabiri wa kabiri wa shampiyona.Irarushwa amanota atatu na APR FC ya mbere ifite umukino na Bugesera FC kuri iki Cyumweru.AS Kigali igize amanota 19 ku mwanya wa 12.

Uko imikino yo kuri uyu wa Gatandatu yagenze:
As Kigali 0-0 Rayon Sports
AS Muhanga 0-1 Gicumbi
Marines 2-0 Gasogi United

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Kakule

    Intizanyo ndabona ibirimo neza. Gasenyi ino saison ntacyo nyizeza rwose. Ariko ntirirarenga da.

    2 weeks ago

Inzindi nkuru

Mourinho yibasiye abayobozi be kubera umukinnyi bashaka kugurisha

Umutoza Jose Mourinho ntari gusiba mu binyamakuru kubera umwuka mubi uri...
26 January 2020 Yasuwe: 1334 0

APR FC yatangiye neza urugendo rwo kwisubiza igikombe cy’Intwari inyagira...

Ikipe ya APR FC yatangiye urugendo rwo kwisubiza igikombe cy’Intwari...
25 January 2020 Yasuwe: 3341 3

APR FC igiye gukina na Mukura VS idafite abakinnyi bayo batatu

Ikipe y’ingabo z’igihugu yasoje imyitozo ya nyuma yabereye ku kibuga...
25 January 2020 Yasuwe: 2313 0

Abafana ba Manchester United bateguye imyigaragambyo yo kwamagana abaherwe...

Abafana ba Manchester United bari mu kababaro k’uko ikipe yabo iri gutsindwa...
25 January 2020 Yasuwe: 2410 0

Kiyovu Sport niyo yasimbuye Rayon Sports mu gikombe cy’Intwari...

Mu itangazo FERWAFA yashyize ahagaragara kuri uyu wa Gatanu, yemeje ko...
25 January 2020 Yasuwe: 1492 2

Umukinnyi wahoze muri FC Barcelona yatangaje ikintu abakinnyi bayo bose...

Umukinnyi witwa Jean-Clair Todibo wa FC Barcena ariko watijwe muri Schalke...
24 January 2020 Yasuwe: 6456 0