APR FC na AS Kigali zananiwe gufasha abakunzi bazo gutangira umwaka mushya wa 2020 bari mu bicu kuko mu mukino w’umunsi wa 19 wa shampiyona barangije iminota 90 ntawubashije kwinjiza igitego mu izamu.

Sponsored Ad

Aya makipe yombi afite abakinnyi beza yananiwe gutsindana ibitego mu mukino w’umunsi wa 16 wa shampiyona bituma abafana bose bataha nta numwe uhagurutse.

APR FC yahabwaga amahirwe mbere y’uyu mukino,yakabaye yabonyeigitego ku munota wa 27 ubwo umunyezamu Ndayishimiye Eric Bakame yananirwaga gufata umupira,usanga Omborenga Fitina wawuteresheje umutwe ujya hanze.

Ku munota wa 34 na 38 nabwo Bakame yatabaye AS Kigali ubwo yakuragamo imipira ya Ombolenga na Nizeyimana Djuma bari bateye.

Mu gice cya kabiri,AS Kigali yateye inyoni amahirwe akomeye yabonye ubwo Kayitaba Jean Bosco yacengaga umunyezamu Rwabugiri Umar wari wasohotse, atera mu izamu umupira ugarurwa na Mutsinzi Ange wari wamusigariye ku izamu.
Abatoza b’amakipe yombi bagerageje gusimbuza ariko biranga biba iby’ubusa umukino urangira ari 0-0.

Ku rundi ruhande ikipe ya Mukura VS yatsinzwe ibitego 9 mu mikino 2 iheruka gukina,yavanye ishema I Rusizi,kuko yatsinze Espoir FC ibitego 2-1 byatsinzwe na Iradukunda Jean Bertrand na Kigeme mu gihe Espoir FC ariyo yari yabanje igitego cyatsinzwe kuri penaliti na Kyambadde Fred.

APR FC yakomeje kuyobora shampiyona n’amanota 38 mu gihe AS Kigali iri ku mwanya wa 11 n’amanota 18.

Uko imikino y’umunsi wa 16 yakinwe kuri uyu wa Gatandatu yagenze:

AS KIGALI 0-0 APR FC
Espoir FC 1-2 Mukura VS
Heroes 0-1 Bugesera FC
Kiyovu Sport 0-0 Etincelles