Kigali

AS Kigali yasinyishije Rutahizamu uzwi cyane i Burundi[AMAFOTO]

Imyidagaduro   Yanditswe na: Martin Munezero 12 January 2020 Yasuwe: 2833

Ikipe ya AS Kigali ubu iri ku mwanya wa 12 ku rutonde rw’agateganyo rwa Shampiyona y’u Rwanda y’icyiciro cya Mbere, nyuma yo kugaragaza ko ifite ikibazo mu busatirizi bwayo yamaze gusinyisha rutahizamu mushya w’Umurundi imuha amasezerano y’imyaka 2.



Nyuma y’umukino w’umunsi wa 17 wa shampiyona, wasize AS Kigali iri ku mwanya wa 12 n’amanota 19 n’umwenda w’ibitego 5.

Umutoza wayo bwana Eric Nshimiyima nyuma y’umukino yanganyijemo na Rayon Sports 0-0 yavuze ko ikipe ifite ikibazo muri ba Rutahizamu aho yifuza kongeramo abandi.

Yagize ati: “Nk’uko nagiye mbivuga na mbere dufite ibibazo bya rutahizamu, twabonye uburyo bune mu kibuga twagombaga kuvanamo ibitego. Twabonye inota rimwe ariko byari byiza ko tubona atatu.”

Abajijwe abandi bakinnyi azongera muri AS Kigali, yavuze ko imaze kugura umukinnyi Kayitaba Bosco ukina anyuze ku ruhande.

Nshimiyimana yavuze ko As Kigali yamaze gusinyisha Alex Orotomel, na Sidi Abdallah wakiniye Vital’O.



Ati “Ni umukinnyi bazi cyane i Burundi, hari n’undi usatira unyuze ku ruhande uzava muri Repulika ya Demokarasi ya Congo.”

Sidi Abdallah yahawe amasezerano y’imyaka ibiri.

Uyu mukinnyi w’imyaka 19 yatsinze ibitego 13 mu mikino 18 yakiniye ikipe ya Vital’O mu mwaka ushize, naho muri uyu mwaka nyuma yo kujya muri Rukinzo yatsinze ibitego 6 mu mikino 8 yakinnye mu gice kibanza cya shampiyona.

AS Kigali ni imwe mu makipe yakoresha amafaranga menshi mu kugura abakinnyi kuva mu mpeshyi ya 2019, aho bamwe bakunda kuyigereranya na PSG yo mu Bufaransa igura abakinnyi bahenze cyane.

Ubu iri ku mwanya wa 12 n’amanota 19 n’umwenda w’ibitego 5, irusha amanota 11 Heroes FC iri ku mwanya wa nyuma, ikarushwa na APR ya mbere amanota 20.

AS Kigali yatangiye shampiyona ihabwa abahirwe yo gutwara igikombe, ariko yagiye inganya kenshi, umutoza akavuga ko ubusatirizi bwayo budakomeye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Cesc Fabregas yatangaje ikintu kibi yakoreye umutoza Wenger yicuza...

Umukinnyi Cesc Fabregas ukinira ikipe ya AS Monaco ariko wanyuze mu makipe...
28 March 2020 Yasuwe: 3136 0

Umukinnyi Niyigaba Ibrahim wakiniye Police FC yitabye Imana azize...

Umukinnyi Niyigaba Ibrahim bitaga Lukaku wakinaga asatira mu makipe nka...
28 March 2020 Yasuwe: 3140 0

Samuel Eto’o yatangaje amagambo yabwiwe na Mourinho bakimara gutwara...

Uwahoze ari umukinnyi ukomeye mu makipe nka FC Barceloana,Inter Milan na...
27 March 2020 Yasuwe: 3943 0

Umugabo n’umugore bakoze ubukwe bw’iminota 30 bwarangiye ntawe ukoze ku wundi...

Umugeni witwa Irra Chorina Octora w’imyaka 29 n’umugabo we witwaYavuz Ozdemir...
26 March 2020 Yasuwe: 5390 0

EAC yiyemeje gushyiraho uburyo bworohereza ubucuruzi bwambukiranya...

Abaminisitiri b’ubuzima mu bihugu bigize Umuryango wa Afurika y’Iburasirazuba...
26 March 2020 Yasuwe: 1379 0

LeBron James wubatse izina muri NBA yavuze abakinnyi 3 akunda mu mupira...

Umunyamerika w’icyamamare mu mukino wa Basketball ndetse ufite imigabane mu...
26 March 2020 Yasuwe: 3741 0