skol
fortebet

AS Kigali yongeye gutsinda Kiyovu Sports iyereka ko ari insina ngufi mu mujyi wa Kigali

Yanditswe: Friday 26, Apr 2019

Sponsored Ad

Ikipe ya AS Kigali yabimburiye andi makipe akomeye kubona amanota 3,kuko yatsindiye Kiyovu Sports kuri stade ya Kigali igitego 1-0 mu mukino warangiye urucaca ari abakinnyi 10.

Sponsored Ad

Mu mukino w’umunsi wa 24 wa shampiyona wahuje AS Kigali na Kiyovu Sports,warangiye iyi kipe y’umujyi wa Kigali iherutse kwirukana umutoza wayo mukuru Masudi Djuma itsinze igitego 1-0 cyatsinzwe na Bishira Latif ku munota wa 51.

AS Kigali yaherukaga gutsinda Kiyovu Sports mu mukino ubanza wa shampiyona,yongeye kuyereka ko ariyo nsina ngufi muri uyu mujyi wa Kigali ndetse umukinnyi wayo Armel Ghislain yahawe ikarita ya kabiri y’umuhondo yavuyemo itukura ku munota wa 90.

Ikipe ya AS Kigali ni yo yegukanye amanota y’uyu mukino w’umunsi wa 24 wa shampiyona yari yakiriyemo Kiyovu Sport kuri Stade ya Kigali, aho byayifashije gufata umwanya wa gatandatu n’amanota 33 mu gihe Kiyovu SC yo yagumye ku mwanya wa kane n’amanota 38.

Undi mukino wabaye uyu munsi, warangiye Kirehe FC itsinze Gicumbi FC igitego 1-0. Gicumbi FC yahawe n’ikarita itukura kuri Nshimiyimana Aboubakar.Gicumbi yahushije penaliti ku munota wa nyuma w’umukino.

Kuri uyu wa Gatandatu imikino y’umunsi wa 24 irakomeza aho hateganyijwe umukino uzahuza APR FC na Bugesera FC kuri stade ya Kigali.

Uko imikino y’umunsi wa 24 iteganyijwe muri iyi Weekend:

Kuwa Gatandatu tariki 27 Mata 2019

- FC Marines vs Musanze FC (Stade Umuganda, 15h30’)

- Espoir FC vs Sunrise FC (Rusizi, 15h30’)

- APR FC vs Bugesera FC (Stade de Kigali, 15h30’)

Ku Cyumweru tariki 28 Mata 2019

- AS Muhanga vs Rayon Sports (Stade Muhanga, 15h30’)

- Mukura Victory Sports vs Police FC (Stade Huye, 15h30’)

- Etincelles FC vs Amagaju FC (Stade Umuganda, 15h30’)

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa