skol
fortebet

Abakinnyi bane ba Rayon Sports basanzwe banduye Covid-19 ikipe yose ishyirwa mu kato

Yanditswe: Friday 04, Dec 2020

Sponsored Ad

Amakuru asohotse ku mugoroba wo kuri uyu wa Gatanu nuko abakinnyi 4 ba Rayon Sports bashobora kuba banduye COVID-19 mu gihe abandi 9 bagomba kongera gupimwa kuko batari bakorerwa isuzuma rya 2.

Sponsored Ad

Amakuru aravuga ko abakinnyi barimo Ndayizeye Samuel,Rudasingwa Prince,Nshimiyimana Amran na Habimana Hussein aribo bakekwaho kwandura Covid-19.

Ibi bivuze ko abakinnyi 3 muri aba bivugwa ko banduye bakinnye uyu munsi umukino wa Rutsiro FC warangiye amakipe yombi anganyije igitego 1-1.

Amakuru aravuga ko ikipe yose igihe guherekezwa ijye mu kato mu Nzove k’iminsi hagati y’i 3 n’i 5 ndetse bahawe imodoka ya Police ibagenda imbere muri uru rugendo.

Mbere y’uyu mukino,Rayon Sports ntiyakinishije Mugisha Gilbert kubera ko ibisubizo bye bya Covid-19 bitari byasohotse biba ngombwa ko akina mu gice cya kabiri bimaze kuboneka.

Rayon Sports yaherukaga gupimisha abakinnyi n’abakozi bayo ku wa Gatatu mu gihe yerekeje i Rubavu ku wa Kane. Biteganyijwe ko iyi kipe yongera gupimwa harebwa uko abakinnyi bahagaze.

Mu mukino w’uyu munsi, Rayon Sports yari yabanje mu kibuga Kwizera Olivier, Rugwiro Hervé, Niyibizi Emmanuel, Habimana Hussein, Ndizeye Samuel, Ourega Vital, Nishimwe Blaise, Oumar Sidibé, Drissa Dagnogo, Iranzi Jean Claude, na Niyonkuru Sadjati .

Rutsiro FC niyo yafunguye amazamu kuri uyu mukino ku gitego cyatsinzwe na Munyurangabo Cédric ku munota wa 10,kiza kwishyurwa ku munota wa 74 na Niyibizi Emmanuel ku mupira w’umuterekano yateye ahana ikosa Hatangimana Eric yakoreye kuri Jean Vital Ourega.

Ni ku nshuro ya kabiri yikurikiranya Rayon Sports inaniwe gutsinda umukino ubanza wa Shampiyona yahuyemo n’ikipe izamutse uwo mwaka, aho mu mwaka w’imikino wa 2019/20, yatangiye inganya na Gasogi United ubusa ku busa.

Iyi nkuru niba impamo,Rayon Sports iraba ibaye ikipe ya kabiri abakinnyi bayo basanganwe Covid-19 kuko kuwa 06 Ugushyingo 2020,ubuyobozi bw’Amagaju FC, bwatangaje ko abakinnyi bayo 11 banduye Coronavirus bituma ikurwa mu irushanwa ryo gushaka itike y’icyiciro cya mbere.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa