addresiya
Kigali
startimes

Biravugwa: Shampiyona n’igikombe cy’Amahoro muri 2019-2020 byamaze gusubikwa burundu

Imyidagaduro   Yanditswe na: Dusingizimana Remy 6 May 2020 Yasuwe: 1438

Shampiyona y’Umupira w’Amaguru n’Igikombe cy’Amahoro byo muri uyu mwaka w’imikino 2019-2020 byahagaritswe burundu kubera ko gahunda yo kugarura amarushanwa y’imikino mu Rwanda iteganyijwe muri Nzeri uyu mwaka.



Amakuru yakwirakwiriye ku mbuga nkoranyambaga avuga ko iyi shampiyona y’uyu mwaka yasubitswe burundu bitewe n’icyorezo cya Coronavirus cyatumye gahunda nyinshi zirimo n’iz’imikino zihagarara.

Ibikorwa byose by’imikino byahagaritswe mu Rwanda kuva tariki ya 15 Werurwe 2020, umunsi umwe nyuma y’uko hatangajwe umurwayi wa mbere wanduye Coronavirus.

Amakuru dukesha IGIHE avuga ko ku mugoroba wo kuri uyu wa Kabiri,habaye inama yahuje Minisitiri wa Siporo, Munyangaju Aurore Mimosa n’abayobozi b’amashyirahamwe atandukanye y’imikino n’ingaga za siporo, yakozwe hifashishijwe uburyo bw’amashusho (Video-conference).

Mu byagarutsweho harimo kurebera hamwe amarushanwa yari ahari imbere mu gihugu n’ingaruka yagizweho na Coronavirus.

Inama ngo yanzuye ko ibikorwa bya siporo byazagaruka muri Nzeri nubwo hari gutekerezwa uburyo abakinnyi bashobora kuzongera gusubukura imyitozo muri Kanama ndetse akaba ari nako byagenda no mu yindi mikino ikinwa mu Rwanda.

Ku munsi w’ejo tariki ya 05 Gicurasi 2020, FERWAFA yavuze ko bitarenze Tariki ya 30 Gicurasi aribwo izafata umwanzuro ku byerekeye kurangiza no gusubika burundu shampiyona y’u Rwanda imaze gukinwa ku kigero cya 75 ku ijana.

Impuzamashyirahamwe y’umupira w’amaguru muri Afurika yari yasabye amashyirahamwe yose y’ibihugu gutanga gahunda bafite ku mikino yasubitswe kubera Coronavirus ariko FERWAFA yavuze ko yahisemo gutegereza icyemezo cya leta y’u Rwanda mu byumweru 2 biri imbere.

Mu ibaruwa FERWAFA yandikiye abanyamuryango bayo aribo amakipe atandukanye,yavuze ko igiye gutegereza ibyumweru 2 Leta yatanze byo gusuzuma niba ibyemezo byafashwe kuwa 30 Mata 2020 byaratanze umusaruro.

Muri iyi baruwa FERWAFA yafashe ibyemezo 3 birimo:

1.Gutegereza indi myanzuro ya Leta izatangazwa mu byumweru 2 yatanze.
2.FERWAFA izafata umwanzuro bitarenze tariki ya 30 Gicurasi 2020
3. Inama n’abanyamuryango iraba vuba batange ibitekerezo.

FERWAFA yamenyesheje abanyamuryango ko iri gutegura inama n’abanyamuryango bose izakorwa hifashishijwe ikoranabuhanga kugira ngo bumve ibitekerezo byabo.

Amakuru avuga ko nyuma y’iyi nama ya Minisitiri Munyangaju n’abayobozi batandukanye b’imikino mu Rwanda,FERWAFA izahura n’abanyamuryango bayo bose bakiga ku gutanga igikombe cyangwa kugira imfabusa shampiyona 2019-2020 hanyuma hakarebwa n’ibyo kumanura no kuzamura amakipe.

Birashoboka ko shampiyona yaseswa burundu (ntihatangwe igikombe), APR FC igasohoka nk’ikipe ya mbere, Rayon Sports ikaba iya kabiri cyangwa se imikino yose ikagirwa impfabusa, aho Rayon Sports na AS Kigali zahagarariye u Rwanda muri uyu mwaka w’imikino, ari zo zakongera guhagarira igihugu mu mwaka w’imikino 2020/21.

Ubwo Shampiyona y’Icyiciro cya Mbere mu Rwanda yasubikwagwa, APR FC yari gukina na Espoir FC, yari ku mwanya wa mbere n’amanota 57 mu mikino 23, Rayon Sports iri ku mwanya wa kabiri n’amanota 51 mu mikino 24.

Espoir FC yanganyaga amanota 17 na Heroes FC, zikurikiwe na Gicumbi FC ya nyuma n’amanota 16.

Mu Cyiciro cya Kabiri, aho amakipe agabanyije mu matsinda abiri, hari hasojwe imikino ibanza. Hagombaga gukurikiraho iyo kwishyura, yarangira hakabaho iyo gukuranamo ihuza amakipe ane ya mbere mu matsinda, igatanga abiri azamuka mu cyiciro cya mbere.

Igikombe cy’Amahoro gisanzwe gitanga ikipe ihagararira u Rwanda muri CAF Confederation Cup, cyari kigeze muri 1/8.

Shampiyona y’Icyiciro cya Mbere mu bagore igizwe n’amakipe 10, yaburaga umukino umwe ngo ibanza irangire mu gihe icyiciro cya kabiri mu bagore aribwo bari basoje imikino ibanza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 4615 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 6416 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3963 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2223 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1931 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3398 4