addresiya
Kigali
startimes

Amb. Nduhungirehe yasubije perezida wa Rayon Sports wasabye Leta guhemba amakipe

Imyidagaduro   Yanditswe na: Martin Munezero 5 April 2020 Yasuwe: 7402

Amb. Nduhungirehe Olivier, Umunyamabanga wa Leta muri Minisiteri y’Ububanyi n’Amahanga, yavuze ko muri ibi bihe bya Coronavirus bigoye ko Leta yafasha ibigo byigenga guhemba abakozi, asaba ko nk’amakipe akwiye gufatanya n’abaterankunga bayo n’abafana mu gushaka igisubizo cyo guhemba abakinnyi.



Ibi yabivuze ubwo yagarukaga ku gitekerezo cy’Umuyobozi wa Rayon Sports Munyakazi Sadate, wasabye ko Leta yafasha amakipe guhemba abakinnyi muri ibi bihe bya Coronavirus ibikorwa byose byahagaze, Amb. Nduhungirehe Olivier avuga ko bigoye ko Leta yahemba abakozi b’ibigo byigenga.

Muri ibi bihe by’ubukungu butifashe neza, biragoye ko Leta yakwishyura imishahara y’abakozi b’ibigo byigenga batagihembwa kubera ibura ry’akazi, harimo n’abakinnyi b’amakipe y’umupira w’amaguru. Icyakorwa ni uko amakipe, abaterankunga n’abafana bafatanya mu kuziba icyo cyuho.

Rayon Sports ishingiye ku bafana bayo ku kigero cya 90%. Abakunzi bayo bamaze iminsi bakusanya inkunga yo guhemba abakinnyi. Mu gihe cy’ibyumweru bibiri bamaze kugeza kuri miliyoni 6 Frw mu gihe iyi kipe ikoresha hafi miliyoni 32 Frw ku kwezi, yabasabye byibuze miliyoni 20 Frw kugira ngo ihembe ukwezi kwa Gashyantare.

Mu mpera z’ukwezi gushize, buri mukinnyi wa Rayon Sports yahawe ibihumbi 50 Frw byo kwifashisha muri ibi bihe bya Coronavirus.

Muri Kanama 2019, Nduhungirehe uri mu bakurikirana cyane umupira w’amaguru mu Rwanda, yavuze ko nubwo u Rwanda rumaze gutera imbere mu bintu byinshi, umupira w’amaguru warwo ukiri hasi kandi byose bikaba bishingira ku mikoro make y’amakipe.

Icyo nahamagarira abo muri Football ni ugushora imari mu makipe. Reba nk’ibyo SKOL ikora muri Rayon Sports ni ibintu byiza cyane. Hari inganda nyinshi, zikomeye, zigomba gushora imari muri aya makipe.

Hari amakipe y’ibigo nka APR na Police afite ubushobozi, ariko hari n’andi akeneye abayashoramo imari akabona ubushobozi kugira ngo n’ibyo bigo bifasha abana tuvuga n’ibikorwaremezo birimo Stade bibashe kuzamuka na Football y’u Rwanda itere imbere. Harabura ubukangurambaga no gusobanura neza kugira ngo abashoramari bumve uko bazunguka.

Amakipe menshi mu Rwanda usanga ashingiye ku bigo bya Leta cyangwa uturere, aho nko mu mupira w’amaguru mu makipe 16 akina icyiciro cya mbere, 13 muri yo hari aho ahurira n’inkunga iva muri Leta nubwo afashwa n’uturere akomeza kuvugwamo amikoro make kubera ingengo y’imari idahagije.

Shampiyona y’u Rwanda y’Umupira w’Amaguru muri uyu mwaka w’imikino wa 2019/20 nta muterankunga ifite nyuma yo gutandukana na Azam TV yari yarayiguze mu 2015.

Icyo gihe yasabye ko amakipe yashakira ibisubizo mu gukorana n’ibigo by’imari bikayatera inkunga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble lg

    Ntabwo abakina.umupira ali abakozi ba Leta uwukina ali mukiciro cyabafashwa.uwo afashwa nkabandi baturage

    1 month ago
  • chat_bubble

    arko uyunawe yigize nyamvuzi ubwose urashaka ko baguhembere abakinnyi wirengagije ibibazo abamyarwanda barimo ubwose urumva aribyo byihutirwa kurusha kurengera abanyarwanda batishobohe wowe sadate ndakugaye cyane iyogasenyi se ntubahembara nimba batarizigamiye ibyo kdi ugiye kubibaza reta😂

    1 month ago
  • chat_bubble MUHIRE Venuste

    ibyo Hon Minister avuga nibyo ubu ikihutirwa ni ukureba abanyarwanda by’umwihariko bagizweho ingaruka niyi COVID19 bagafashwa, naho abakinnyi bari mubahembwa Frw menshi niba batarizigamiye bwaba ari uburangare bagize, ikindi nuko bakiri bato nta muryango munini bafite abeshi ni abasore. MUNYAKAZI Sdate nawe urabona ko ari intore yatanze igitekerezo arwanya Ku nyungu z’amakipe by’umwihariko ikipe ya Rayon sport ayoboye.

    1 month ago

Inzindi nkuru

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 1272 0

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 1192 0

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 1865 0

Rutanga Eric yateye umugongo Rayon Sports yerekeza muri Police FC yamuhaye...

Ikipe ya Police FC yamaze gusinyisha uwari kapiteni w’ikipe ya Rayon Sports...
28 May 2020 Yasuwe: 2559 0

Fan Base ya Rayon Sports yatakarije icyizere Komite Nyobozi ya Munyakazi...

Ihuriro ry’amatsinda y’amatsinda y’abafana ba Rayon Sports “Fan base...
28 May 2020 Yasuwe: 1652 0

Abraham Kellly wari umunyamabanga wa Rayon Sports yeguye ku mirimo...

Uwari Umunyamabanga mukuru wa Rayon Sports, Abraham Kelly wari umaze amezi...
28 May 2020 Yasuwe: 1433 0