Cristiano Ronaldo watangiranye umwaka wa 2020 inyogosho idasanzwe,yatsinze ibitego 3 mu mukino Juventus yatsinzemo Cagriali ibitego 4-0 kuri uyu wa mbere,iba inshuro ya 56 atsinze ibitego 3 wenyine mu mikino yose amaze gukina.

Sponsored Ad

Ronaldo yaciye agahigo ko kuba umunya Portugal utsinze ibitego 3 bwa mbere muri Serie A mu myaka imaze ikinwa ubwo Juventus yatsindaga Cagliari ibitego 4-0 birimo ikindi cyatsinzwe na Gonzalo Huguain.

Ronaldo yabanje guca ibintu ku mbuga nkoranyambaga kubera Ipod yaje kuri uyu mukino ari kumviraho umuziki yakozwe muri 2005 ariko akaba akiyikoresha.

Ronaldo yahisemo kwizihiza isabukuru y’imyaka 15 y’iyi Ipod aza ayumviraho umuziki byatumye benshi bibaza ukuntu icyamamare nkawe akoresha igikoresho cya kera gutya.

Ronaldo yatsinze ibi bitego ku munota wa 49,67 kuri penaliti no kumunota wa 82 bituma yuzuza ibitego 26 mu mikino 28 amaze gukina mu marushanwa yose muri uyu mwaka w’imikino.

Muri iki kinyejana cya 21,Cristiano Ronaldo niwe mukinnyi wenyine umaze gutsinda ibitego 3 mu mukino umwe mu mashampiyona akomeye arimo Premier League,Serie A na La Liga.Akaba ari we wabaye uwa mbere utsinze ibitego 3 mu mukino mu mwaka wa 2020.

Ronaldo agize ibitego 13 muri Serie A akaba arushwa 6 na Ciro Immobile wa mbere gusa we amurusha imikino 2.