Nubwo isi yose iri mu bihe bidasanzwe kubera Coronavirus,kabuhariwe Cristiano Ronaldo ntiyahungabanyijwe nabyo kuko yakomeje imyitozo yo kubaka umubiri cyane nkuko ifoto yagiye hanze yabigaragaje.

Sponsored Ad

Uyu rutahizamu wa Juventus wakuwe mu kibuga na Coronavirus yashyize hanze ifoto igaragaza ukuntu ari gukora umubiri cyane aho yahungiye iki cyorezo iwabo I Madeira.

Ubwo COVID-19 yari imaze kugera mu Butaliyani,Ronaldo yahise ahunga we n’umuryango we berekeza I Madeira aho kuri ubu ari kuhakariza imyitozo yiganjemo iyo kubaka umubiri na Gym.

Ronaldo n’umuryango we bifungiranye mu nyubako nziza cyane iteganye n’inyanja ya Atlantic ari naho ari gukorera imyitozo ubu.

Uyu mukinnyi w’imyaka 35 yifotoje ari kumwe na bashiki be ndetse n’abandi bo mu muryango we aho iyi foto yaciye ibintu yashyizwe kuri Instagram na mushiki we witwa Katia.

Ronaldo yari mu bihe byiza ubwo Serie A yari itarahagarikwa kuko yari amaze gutsinda ibitego 13 mu mikino 11 yaherukaga.

Ronaldo n’umuhagarariye Mendes biyemeje gutanga amafaranga asanga miliyoni y’amapawundi mu rwego rwo gufasha isi guhangana na COVID-19.

Ronaldo ari kubaka umubiri cyane