Rutahizamu wa Juventus,Cristiano Ronaldo,aravugwaho kuba yarafashe umwanya we akaburira mugenzi we w’Umunya Portugal,Joao Cancelo, bakinanaga muri iyi kipe yo mu Butaliyani ko atazahirwa najya mu ikipe ya Manchester City bikaba byarabaye impamo.

Sponsored Ad

Mu mpeshyi ishize nibwo Joao Cancelo yageze mu ikipe ya City avuye muri Juventus aho yasinye imyaka 6 gusa kugeza ubu ntarabona umwanya uhagije wo gukina.

Ikinyamakuru Daily Star cyavuze ko uyu mukinnyi yabwiwe ko ashaka yakwigendera kuko umusaruro we muri Manchester City udahagije.

Iki kinyamakuru cyavuze ko uyu musore akiri mu ikipe ya Juventus mugenzi we Ronaldo yamubwiye ko azicuza naramuka yemeye gukorana na Pep Guardiola,none byarangiye koko ariko bigenze.

Mu marushanwa yose,Joao Cancelo amaze gukinira City imikino 17 gusa mu bwugarizi cyane ko akina inyuma ku ruhande rw’iburyo.

Ronaldo yabwiye Cancelo ko gukorana na Guardiola atari ikintu cyoroshye ndetse ko azicuza niyemera kwerekeza mu ikipe ya Manchester City,uyu musore amwima amatwi yiyemeza kujya gukina mu Bwongereza.

Kugeza ubu uyu musore arifuza kuva muri City aho bivugwa ko amakipe arimo FC Barcelona,Valencia na Tottenham biravugwa ko ari kumwifuza.