Rutahizamu wa Juventus,Cristiano Ronaldo,yahamagaye perezida wa Real Madrid witwa Florentino Perez amubwira ko akumbuye iyi kipe ndetse amusaba ko yakongera kumuha amahirwe yo kuyigarukamo.

Sponsored Ad

Uyu mukinnyi ugiye kumara imyaka 2 mu mujyi wa Turin yagaragaye ku kibuga cya Santiago Bernabeu ku cyumweru gishize ku mukino Madrid yatsinze FC Barcelona ibitego 2-0,aje kureba bagenzi be bahoze bakinana mu ikipe ya Real Madrid

Amakuru aravuga ko mu cyumweru gishize aribwo Cristiano Ronaldo yahamagaye uyu Florentino Perez amubwira ko ashaka kongera kugaruka mu ikipe ya Real Madrid yakoreyemo amateka n’uduhigo tutagira ingano.

Ikinyamakuru Marca kiba hafi ya Real Madrid cyavuze ko Perez ariwe watumiye Cristiano Ronaldo kugira ngo aze kureba umukino wa El Clasico wabereye kuri Estadio Santiago Bernabeu ku cyumweru gishize.

Ronaldo yavuye muri Real Madrid mu mwaka wa 2018 yerekeza muri Juventus ariko kuva yamurekura ntirongera kuba ikipe ikanganye nkuko byari bimeze akiyirimo.