Rutahizamu wa Juventus,Cristiano Ronaldo yaraye ashimiye byimazeyo abakunzi be bamweretse urukundo akaba yabaye umuntu wa mbere ugejeje ku bantu miliyoni 200 z’abamukurikira kuri Intagram.

Sponsored Ad

Nta muntu n’umwe kuva uru rubuga rwa Instagram rwashingwa wagejeje ku bantu bamukurikira miliyoni 200 uretse uyu mukinnyi w’umupira w’amaguru wabaye igihangange cyane mu makipe nka Manchester United,Real Madrid na Juventus akinira.

Cristiano yatanze aka gahigo ibindi byamamare bimugwa mu ntege birimo Ariana Grande, Dwayne Johnson, Selena Gómez,Beyoncé, Leo Messi na Neymar gusa urubuga rwa Instagram rumurusha abantu kuko rwo rukurikirwa na miliyoni 330.

Nubwo ibi ntaho bihuriye n’umupira ariko bigaragaza ko uyu munya Portugal akunzwe cyane ndetse ibi ni nako bimeze no ku zindi mbuga nkoranyambaga nka Twitter na Facebook.

Nkuko ubushakashatsi bwabigaragaje,Ronaldo ahembwa amayero 900,000 kuri buri tangazo ashyize kuri Instagram bituma nibura ku mwaka yinjiza amayero asaga miliyoni 48.

Urutonde rw’abantu 10 bakurikirwa cyane kuri Instagram:

1. Instagram (@Instagram): 330 million followers.
2. Cristiano Ronaldo (@cristiano): 200 million followers.
3. Ariana Grande (@arianagrande): 172 million followers.
4. Dwayne Johnson (@therock): 169 million followers.
5. Selena Gómez (@selenagomez): 166 million followers.
6. Kylie Jenner (@kyliejenner): 158 million followers.
7. Kim Kardashian (@kimkardashian): 157 million followers.
8. Lionel Messi (@leomessi): 141 million followers.
9. Beyoncé (@beyonce): 138 million followers.
10. Neymar (@neymarjr): 131 million followers.