skol
fortebet

Cristiano Ronaldo yakoze benshi ku mutima kubera icyemezo yafashe kugira ngo afashe ikipe akinira

Yanditswe: Saturday 28, Mar 2020

Sponsored Ad

Rutahizamu wa Juventus,Cristiano Ronaldo yakoze benshi ku mutima kubera umwanzuro yafashe wo kugabanya umushahara we wo hejuru mu rwego rwo gufasha ikipe ye ya Juventus imerewe nabi kubera Coronavirus.

Sponsored Ad

Rutahizamu Cristiano Ronaldo uhembwa miliyoni 31 z’amayero ku mwaka,yagabanyije umushahara we yemera guhomba miliyoni 3,8 z’amayero, kugira ngo afashe Juventus muri ibi bihe bigoye amakipe menshi arimo kubera Coronavirus nkuko byatangajwe na Tuttosport.

Uretse Cristiano Ronaldo,abandi bakinnyi bakomeye muri Juventus barimo Gigi Buffon, Leonardo Bonucci na kapiteni Chiellini biyemeje kugabanya umushahara wabo kugira ngo ikipe ikomeze ihagarare neza mu by’ubukungu.

Amakuru aravuga ko abakinnyi bose ba Juventus bemeye kugabanya umushahara cyane ko nta mikino ihari ndetse n’imyitozo kubera icyorezo cya COVID-19.Ibi ngo bizatuma Juventus yinjiza miiyoni 90 z’amayero muri ibi bihe bibi isi irimo.

Andi makipe aracyagerageza kuganira n’abakinnyi bayo kugira ngo bagabanye imishahara gusa biravugwa ko itegeko ry’akazi I Burayi rivuga ko mu gihe imikino yahagaze abakinnyi bagomba gukatwa umushahara ku kigero cya 70%.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa