skol
Kigali
startimes

Cristiano Ronaldo yongeye gusanganwa Covid-19 bituma atazahura na Messi muri Champions League

Imyidagaduro   Yanditswe na: Dusingizimana Remy 22 October 2020 Yasuwe: 1187

Kizigenza Cristiano Ronaldo yongeye gusanganwa Covid-19 ku nshuro ya kabiri bituma atakaza amahirwe yo kuzaba mu ikipe ya Juventus yitegura guhangana na FC Barcelona mu mukino ukurikiraho wo mu itsinda G rya Champions League uzaba mu cyumweru gitaha.


Kuwa 13 Ukwakira 2020 nibwo Cristiano Ronaldo yasanganwe Covid-19 ari mu ikipe y’igihugu ya Portugal ariko kugeza na nubu ntabwo iyi virus ya Corona iramushira mu mubiri.

Ikinyamakuru cyo muri Portugal Correio de Manha cyavuze ko ibisubizo bishya bya Cristiano Ronaldo byaje kuwa Kabiri nabyo byagaragaje ko akirwaye Covid-19.

Uyu n’umunsi wa 09 Ronaldo ari mu kato bivuze koi bi bisubizo bitumye atazagaragara mu mukino wa Champions League Juve izakiramo Barcelona kuwa Gatatu w’icyumweru gitaha.

Pirlo amaze gukina imikino 2 adafite Ronaldo irimo uwa Crotone yatakajemo amanota na Dynamo Kyiv yatsinze.

Ku cyumweru Juventus izakira Hellas Verona hanyuma nyuma y’iminsi 3 ikine na Barcelona.

Kuguma mu kato bizatuma Ronaldo adakina iyi mikino keretse abashije gukira hakiri kare.

Uyu mukinnyi ari gukorera akato mu mujyi wa Turin gusa akomeza gutangaza ko ameze neza.

Mu minsi ishize aherutse gushyira hanze ifoto atwaye igare,arangije yandika ati “Intsinzi ntabwo ipimirwa mu byo wagezeho ahubwo ireberwa mu nzitizi watsinze.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusifuzi Ali Bin Nasser wo muri Tunisia yishimiye ko yafashije Maradona...

Umusifuzi wo muri Tunisia wasifuye umukino Ubwongereza butazibagirwa...
28 November 2020 Yasuwe: 954 0

Jose Mourinho yongeye gukora mu jisho ikipe ya Chelsea bazakina

Umutoza Jose Mourinho yatangaje ko nubwo ikipe ye ya Tottenham iyoboye...
28 November 2020 Yasuwe: 1735 0

Joe Willock ukinira Arsenal yarokotse impanuka y’imodoka [AMAFOTO]

Umukinnyi ukiri muto Joe Willock ukina hagati mu ikipe ya Arsenal yakoze...
28 November 2020 Yasuwe: 1188 0

Amakipe 17 arimo n’iya Chris Froome azitabira Tour du Rwanda 2021 izakinirwa...

Uyu munsi nibwo abategura irushanwa rya Tour du Rwanda na FERWACY bashyize...
27 November 2020 Yasuwe: 966 0

Yahuye n’uruva gusenya kubera kwifotoreza ku murambo wa Diego Maradona...

Umugabo witwa Diego Molina wari mu batoranyijwe ngo batunganye umurambo wa...
27 November 2020 Yasuwe: 4991 0

Arsenal yagiriye ikibazo muri Norway nyuma yo gutsinda Molde

Ikipe ya Arsenal yaraye itsindiye Molde ku kibuga cyayo muri Norway yaraye...
27 November 2020 Yasuwe: 2867 0