addresiya
Kigali
startimes

Daniele Rugani na Blaise Matuidi bakinira Juventus bakize Coronavirus

Imyidagaduro   Yanditswe na: Dusingizimana Remy 15 April 2020 Yasuwe: 669

Abakinnyi babiri bakomeye b’ikipe ya Juventus aribo Blaise Matuidi na Daniele Rugani banduye Coronavirus igitangira kugera mu Butaliyani bamaze gukira nyuma y’igihe kinini bari kwitabwaho n’abaganga.



Myugariro Daniele Rugani na Blaise Matuidi ukina hagati mu ikipe ya Juventus bakorewe ibizamini bibiri byo gusuzuma y’uko bakirwaye iki cyorezo cya Covid-19 byose bigaragaza ko yashize mu mubiri wabo.

Juventus yatangaje ko aba bakinnyi bombi bakize ndetse ubu bamaze gukurwa mu nzu z’akato bari bamazemo igihe.

Kuwa 12 Werurwe 2020,nibwo Ikipe ya Juventus yatangaje ko myugariro wayo wo hagati, Daniele Rugani, yapimwe bikagaragara ko yanduye Coronavirus.

Juventus yahise itangaza ko uyu mukinnyi ari kwitabwaho ndetse n’abandi bose bagize aho bahurira na we bagiye gushyirwa mu kato.

Rugani wakiniye Juventus imikino irindwi gusa muri uyu mwaka w’imikino,yanduye Coronavirus nyuma gato yo kugaragara mu bakinnyi 18 bitabajwe ku mukino ikipe ye yari yatsinzemo Inter Milan ibitego 2-0.

Kuwa 17 Werurwe 2020 nibwo Blaise Matuidi ukomoka mu Bufaransa nawe yapimwe agasanganwa Coronavirus.

Ikipe ya Juventus yatangaje ko Blaise Matuidi yapimwe agasanganwa iyi ndwara gusa ngo ntiyagaragaje ibimenyetso byayo.

Matuidi w’imyaka 32 yahise atangira gukurikiranwa n’abaganga cyane ko guhera kuwa 11 Werurwe yari yarishyize mu kato.

Undi mukinnyi wa Juventus warwaye iki cyorezo ni Paulo Dybala wanduriye hamwe n’umukunzi we, Oriana.

Aba bombi batangaje ko banduye iki cyorezo kuwa kuwa Gatandatu tariki ya 21 Werurwe 2020.

Uwo munsi,uyu mukinnyi yavuze ko we n’umukunzi we, Oriana, bombi banduye Coronavirus, ariko bameze neza.

Ati “Twembi Oriana nanjye, twanduye Coronavirus. Ku bw’amahirwe tumeze neza."

Uretse aba bakinnyi ba Juventus, ikipe ya Milan AC nayo yemeje ko Umuyobozi wayo wa Tekiniki, Paulo Maldini wigeze kuba umukinnyi ukomeye mu myaka yashize, we n’umuhungu we, Daniel Maldini w’imyaka 18, bombi banduye Coronavirus gusa amakuru avuga ko bameze neza nabo.

Imibare yo kuwa Gatatu tariki ya 15 Werurwe 2020, igaragaza ko abanduye Coronavirus mu Butaliyani ari 162,488,abamaze gupfa ni 21,067 mu gihe abakize ari 37,130.

Umubare w’abantu banduye coronavirus ku isi uri kwiyongera vuba, mu minsi 13 ishize bavuye ku bantu miliyoni imwe uyu munsi bageze kuri miliyoni ebyiri nk’uko biri mu mibare itangwa na kaminuza y’ubushakashatsi ya Johns Hopkins.

Muri abo bose banduye, iki cyorezo kimaze guhitana abantu barenga 126,000 naho abarenga 484,000 bamaze kugikira.

Leta zunze ubumwe za Amerika nizo zikomeje kuzahara kurusha ibindi bihugu ku isi.

Zifite abantu 614,246 bamaze kumenyekana ko banduye - ni hafi kimwe cya gatatu cy’abanduye bose ku isi - naho 26,064 bishwe n’iyi ndwara.


Dybala n’umukunzi we nibo basigaye batarakira Coronavirus

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4282 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3220 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7217 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4832 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5798 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 8065 4