skol
Kigali
startimes

Estonia: Meya w’ikirwa cyiswe "Corona"yeguye ku mirimo ye yishinja kwinjiza COVID-19 ku butaka ayobora

Imyidagaduro   Yanditswe na: Dusingizimana Remy 20 April 2020 Yasuwe: 4118

Mu ntangiriro z’ukwezi kwa gatatu, ikipe ya volleyball y’i Milan mu Butaliyani yagiye ku kirwa kitwa Saaremaa cyo muri Estonia ihakina imikino n’ikipe yaho.


Mu byumweru bibiri, Saaremaa yahindutse izingiro rya coronavirus muri Eustonia kugeza ubwo abaturage muri iki gihugu bahita; "ikirwa cya corona".

Ubu, utegeka iki kirwa (mayor) witwa Madis Kallas yeguye, avuga ko afite uruhare mu ikwirakwira ry’iki cyorezo.

Yatangaje ko kwemera ko iyo mikino ya volleyball iba ari "icyemezo kibi" yafashe.

Kwegura kwe bubaye nyuma y’iminsi micye inkuru ya BBC igaragaje impamvu iki kirwa cyahindutse izingiro ry’iki cyorezo muri Estonia.

Kugeza ubu nta muntu wemerewe kuva cyangwa kujya kuri iki kirwa.

Umwe mu bakozi bo kwa muganga yabwiye BBC ko bakeka ko kimwe cya kabiri cy’abatuye iki kirwa bashobora kuba baranduye coronavirus.

Mu Burayi imikino iri mu bikekwa kuba byarihutishije ikwirakwira ry’iki cyorezo.

Imikino y’irushanwa rya UEFA champions league yahuje Atalanta Bergame yo mu Butaliyani na Valencia yo muri Espagne bivugwa ko iri mu byatumye iki cyorezo kirushaho kwihuta muri ibi bihugu.
Tariki 19/02 Atalanta yakiriye Valencia kuri stade ya San Siro ijyamo abantu 44,000.

Giorgio Gori mayor w’umujyi wa Bergamo, yatangarije ikinyamakuru Marca cy’imikino ati: "uwo mukino wari bombe itaboneka. Ntabwo twari tuzi ko virus iri kugendagenda muri twe".

Umukino wo kwishyura wabereye kwa Valencia muri Espagne ariko nta mufana uri kuri stade, gusa nyuma yabwo abakinnyi benshi b’aya makipe yombi babasanzemo coronavirus.

Ishami ry’Umuryango w’Abibumbye ryita ku Buzima, OMS, riratangaza ko kugeza ubu abanduye Coronavirus ku Isi bageze ku 2 407 600, abamaze gupfa ni 165 083 naho abamaze gukira ni 625 312.

Ibihugu bifite abanduye ndetse n’abapfuye benshi, ku mwanya wa mbere haracyari Leta Zunze Ubumwe za Amerika, Espagne iri ku mwanya wa kabiri kuko ifite abantu 198 674 bamaze kwandura naho 20 453 bamaze gupfa, u Butaliyani bufite abanduye 178 972 mu gihe 23 660 bamaze gupfa.

Mu Bufaransa abantu 152 894 bamaze kwandura, abandi 19 718 bamaze gupfa.
U Budage bufite abanduye 145 742mu gihe 4 642 bapfuye, u Bwongereza bufite abanduye 120 067 ariko abamaze gupfa ni 16 060.

Ku Mugabane wa Afurika, abantu 22 992 ubu bamaze kwandura Coronavirus, abamaze gupfa bageze ku 1 128.

Kugeza ubu Afurika y’Epfo yaje imbere n’abamaze kwandura benshi kuko ari 3 158 mu gihe abamaze gupfa ari 54, ikurikirwa na Misiri ifite abanduye 3 144 abapfuye ho bageze kuri 239.

Algeria niho hamaze gupfa abantu benshi muri Afurika kuko ari 375 mu gihe abamaze kwandura ari 2629.

Muri Afurika y’Iburasirazuba, Kenya niyo ikomeje kugira abanduye benshi kuko ubu bageze kuri 270 mu gihe abamaze gupfa ari 14 , mu Rwanda hamaze kuboneka abantu banduye 147 ariko abamaze gukira bageze kuri 76, Uganda baracyari 55, muri Tanzania hamaze kuboneka abantu 170 hamaze gupfa barindwi, mu Burundi habonetse batanu, hamaze gupfa umwe mu gihe muri Sudani y’Epfo ari bane banduye.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hatangajwe abakinnyi batatu batumye Frank Lampard yirukanwa muri...

Mbere y’uko umutoza Frank Lampard yirukanwa,abakinnyi yakundaga gukoresha...
26 January 2021 Yasuwe: 4231 0

Roman Abramovic yahishuye impamvu ikomeye yatumye yirukana Frank...

Ubuyobozi bw’ikipe ya Chelsea bwamaze gutangaza ko bwirukanye umutoza Frank...
25 January 2021 Yasuwe: 5853 0

Umuherwe wa Chelsea yafashe icyemezo cyo kwirukana umutoza Frank...

Umuherwe w’Umurusiya witwa Roman Abramovich yamaze gufata umwanzuro wo...
25 January 2021 Yasuwe: 4191 0

Umukinnyi wa Liverpool amerewe nabi cyane n’abafana ashinjwa gutsindisha...

Ikipe ya Liverpool ikomeje kujya mu bihe bibi cyane mu mupira w’amaguru yaba...
25 January 2021 Yasuwe: 6065 0

Rwatubyaye Abdul yasinye amasezerano y’umwaka n’amezi atandatu mu yindi...

Myugariro w’ikipe y’igihugu y’u Rwanda y’umupira w’amaguru (Amavubi) Rwatubyaye...
25 January 2021 Yasuwe: 3808 0

Abafana ba Chelsea basabiye umusifuzi David Coote ikarita itukura nyuma yo...

Mu butumwa banyujije ku mbuga nkoranyambaga zabo,abafana ba Chelsea basabye...
25 January 2021 Yasuwe: 3779 0