addresiya
Kigali
startimes

Etincelles FC na Gasogi United zikomeje kugaragaza ubudasa mu ntangiriro ya shampiyona

Imyidagaduro   Yanditswe na: Dusingizimana Remy 9 October 2019 Yasuwe: 4865

Ikipe ya Etincelles FC yo mu Karere ka Rubavu na Rutahizamu wayo Mutebi Rachid bakomeje intangiriro nziza za shampiyona kuko batsinze umukino wabo wa kabiri wa shampiyona bahuyemo na Heroes mu gihe Gsogi United yatsinze Marines FC.



Kuri uyu wa Gatatu Shampiyona y’u Rwanda y’icyiciro cya mbere yakomeje, aho ikipe ya Etincelles FC yatsinze umukino wayo wa kabiri wa shampiyona ibitego 3-0 ihita iyobora shampiyona by’agateganyo n’amanota 6 kuri 6.

Etincelles FC yatsinze Heroes igaragaza ko izaba intsina ngufi buri wese azacaho ikoma ibitego 3-0,byatsinzwe na Rutahizamu Mutebi Rachid watsinze ibitego 2 byiyongera ku bindi2 yari yatsinze mu mukino wa mbere wa shampiyona batsinze Kiyovu Sports ndetse na Gikamba Ismael yashyizemo ikindi.

Gasogi United nayo ikomeje gutungurana,kuko nyuma yo guhagama Rayon Sports bakanganya 0-0,yakiriye Marines FC I Nyamirambo mu mukino utitabiriwe na benshi,iyitsinda igitego 1-0 cya Ndekwe Felix.

Police FC na Mukura VS ziri mu zikomeye ntizitwaye neza kuri uyu wa Gatatu, kuko zanganyije 0-0 n’amakipe zahuye nayo ariyo Musanze na Sunrise FC.Umutoza Olivier Ovambe wa Mukura VS yahawe ikarita itukura kubera imyitwarire mibi.

Etincelles FC niyo iyoboye shampiyona by’agateganyo n’amanota 6 aho ikurikiwe na Rayon Sports,APR FC,Police FC,Gasogi United zose zinganya amanota 4 mu gihe Heroes ariyo kipe ifite 0 ku mwanya wa nyuma.

Uko Imikino y’Umunsi wa Kabiri yagenze:

Gasogi United 1-0 Marines FC

Gicumbi FC 0-1 AS Muhanga [ JC Harelimana]

Musanze FC 0-0 Police FC

Heroes 0-3 Etincelles FC

Kiyovu Sports 1-0 Espoir FC [Hamidou]

Sunrise 0-0 Mukura VS

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Gashishi

    ariko ngo match ya Gasogi na marine yabereye mumuhezo ngo abantu bategereje kumva akayabo KNC yasaruyemo. ikipe zose si rayon hari izigusha banyiramakipe mubihombo bikomeye cyane.

    October 2019

Inzindi nkuru

Cristiano Ronaldo yabaye umukinnyi wa mbere wa ruhago utunze miliyari...

Ikinyamakuru Forbes cyatangaje ko kabuhariwe Cristiano Ronaldo ukinira...
5 June 2020 Yasuwe: 2041 0

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 1745 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1572 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1687 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2418 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4815 0