Kigali

FC Barcelona na Real Madrid zaraye zikoze agahigo kabi kaherukaga mu myaka 17 ishize

Imyidagaduro   Yanditswe na: Dusingizimana Remy 19 December 2019 Yasuwe: 2201

Ibigugu bikomeye ku isi aribyo FC Barcelona na Real Madrid byaraye bicakiranye mu mukino wa La Liga warangiye ntawe ubashije kubona izamu kuko banganyije 0-0,ibintu byaherukaga mu mwaka wa 2002.



Muri uyu mukino wari witezwe na benshi,amakipe yombi yahanganiye cyane hagati mu kibuga birangira ntayo ibashije kubona igitego,ibintu byaherukaga mu myaka 17 ishize.

Uyu mukino wagombaga gukinwa kuwa 26 Ukwakira 2019 ariko ukimurwa kubera impamvu z’abantu bigaragagambyaga mu mujyi wa Barcelona,byaviriyemo abantu 9 bari bakuriye iyi myigaragambyo gufungwa.

Real Madrid niyo yigaragaje cyane muri uyu mukino ndetse ibona igitego ku munota wa 75 gitsinzwe na Gareth Bale,cyanzwe n’umusifuzi kuko Ferland Mendy wamuhaye umupira yari yaraririye.



Ikipe ya FC Barcelona yateye ishoti rigana mu izamu rimwe mu mukino wose mu gihe Real Madrid yakabaye yatsinze uyu mukino yateye amashoti 4.Amashoti agana hanze Real Madrid yagerageje 6 kuri 3 ya Barcelona.

Ubwo uyu mukino wabaga,hanze hari imirwano hagati y’abaturage bigaragambyaga na polisi ndetse waje guhagarara gake ubwo abigaragambyaga bajugunyaga imipira ikinirwa ku mucanga mu kibuga.

Abashinzwe umutekano basaga ibihumbi 3000 nibo bari kuri uyu mukino wa El Clasico warangiye ushyize benshi mu rujijo.



Barcelona yakomeje kuyobora urutonde rwa shampiyona n’amanota 36 inganya na Real Madrid bagatandukanywa n’ibitego bazigamye.

Nibwo bwa mbere mu mateka ya El Clasico,Lionel Messi avuye mu kibuga adateye mu izamu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 2083 0

Rutahizamu w’umunyarwanda yatanze ubuhamya bw’ukuntu yakoreshaga...

Rutahizamu w’umunyarwanda wakiniye amakipe atandukanye hano mu Rwanda ari mo...
30 March 2020 Yasuwe: 7399 0

Karim Benzema yibasiye cyane Olivier Giroud bakinannye mu ikipe...

Rutahizamu wa Real Madrid Karim Benzema yibasiye cyane mugenzi we bavuka mu...
30 March 2020 Yasuwe: 2971 0

Rutanga Eric yatangaje impamvu akunze gutsinda ibitego byo mu minota ya...

Umukinnyi akaba na kapiteni wa Rayon Sports,Rutanga Eric, yatangaje ko...
30 March 2020 Yasuwe: 2664 0

Bamwe mu bakinnyi ba FC Barcelona ntibumva ibyo gukatwa 70% by’umushahara...

Kuwa Kane w’iki cyumweru,abakinnyi bose b’ikipe ya FC Barcelona babwiwe ko...
29 March 2020 Yasuwe: 1793 0

Abakinnyi ba Juventus n’umutoza Maurizio Sarri bemeye kumara amezi 4...

Abakinnyi b’ikipe ya Juventus n’umutoza wabo Maurizio Sarri bemeye ko...
29 March 2020 Yasuwe: 718 0