addresiya
Kigali
startimes

FC Barcelona yatanze abakinnyi 2 n’amafaranga menshi kugira ngo ibone umukinnyi wa Inter Milan

Imyidagaduro   Yanditswe na: Dusingizimana Remy 23 April 2020 Yasuwe: 4818

Ikipe ya FC Barcelona ikomeje gukora ibishoboka byose kugira ngo ibone umusimbura wa Luis Suarez aho yiyemeje gutanga abakinnyi bayo babiri barimo Nelson Semedo na Carles Alena yarangiza ikagerekaho amafaranga kugira ngo ibone umunya Argentina Lautaro Matinez.



Martinez niwe mukinnyi FC Barcelona yifuza kurusha abandi bose ariyo mpamvu iri gutanga abakinnyi babiri yarangiza ikongeraho amafaranga.

Martinez w’imyaka 22 afite amasezerano avuga ko ikipe imwifuza igomba kwishyura akayabo ka miliyoni 97 z’amapawundi ariyo mpamvu FC Barcelona iri kugerageza kureba ko yayagabanya igatanga make ikanongeraho n’abakinnyi 2.

Myugariro Semedo w’imyaka 26 ikipe ya FC Barcelona ishaka gutanga yayigezemo muri 2017aguzwe akayabo ka miliyoni 26 na Benfica.

Carles Alena we yazamukiye mu ikipe ya FC Barcelon ariko atizwa muri Real Betis umwaka abona kugaruka muri uyu mwaka.

Martinez nawe arifuza kwerekeza mu ikipe ya FC Barcelona gukinana na mwene wabo Lionel Messi ariyo mpamvu ategereje ko yumvikana na Inter Milan agahindura icyerekezo.

Muri uyu mwaka w’imikino,Martinez amaze gutsinda ibitego 11 mu mikino 22 amaze kugaragaramo ari kumwe na Lukaku.

Hari andi makuru avuga ko ikipe ya FC Barcelona ishaka kugurisha benshi mu bakinnyi bayo badatanga umusaruro uko babisabwa aho ngo abakinnyi 3 gusa barimo Lionel Messi, Frenkie de Jong na Marc-Andre ter-Stegen aribo batari ku isoko.

Nubwo Coronavirus yaciye igikuba FC Barcelona ariyo iyoboye La Liga,benshi bemeje ko iyi kipe ikeneye kwivugurura kuko yagiye itakaza imikino myinshi mu buryo budasobanutse ndetse n’abakinnyi bayo bamwe na bamwe byavuzwe ko bari ku rwego rwo hasi.

Mu isoko ryo kugura no kugurisha abakinnyi ritegerejwe na benshi,iyi kipe irashaka kugurisha benshi mu bakinnyi bayo yarangiza ikazana Neymar Jr n’uyu Lautaro Martinez bose bakina basatira.

Ikinyamakuru ESPN cyatangaje ko abakinnyi 3 ba FC Barcelona barimo Messi, De Jong na Ter-Stegen aribo ndakorwaho mu gihe abandi bose buri kipe yaza ikabarambagiza ndetse ikababona.

Umuyobozi wa FC Barcelona, Josep Maria Bartomeu yavuze ko iyi kipe yiteguye guhatana ku isoko ryo kugura abakinnyi nk’ibisanzwe ariko hazaba impinduka kubera Coronavirus yabateye ibihombo.

Yagize ati “Ntabwo tuzashora amafaranga menshi ku isoko nk’ibisanzwe kubera icyorezo gusa tuzagerageza kureba uko twagurana abakinnyi ku bwinshi.”

Uyu muyobozi akomeje kujya mu mazi abira kuko bagenzi be batanu bakoranaga baheruka kwegura kubera ibyemezo bimwe na bimwe afata mu ikipe.

Ikibazo gihangayikishije abayobozi ba FC Barcelona n’ukongerera amasezerano Messi kuko ayo afite azarangira muri 2021 gusa we aba afite ingingo zimwemerera kugenda ku buntu aramutse abishatse.

Bamwe mu bakinnyi bivugwa ko bazakoreshwa mu kugurana abandi harimo Antoine Griezmann utarakoze ku mitima y’abafana kuva yagera muri iyi kipe avuye muri Atletico Madrid,Ousmane Dembele na Philippe Coutinho nabo bashobora kugurishwa cyangwa bakaguranwamo abandi.



Barcelona irashaka Martinez nk’umusimbura wa Luis Suarez

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble samuel

    Erega umutwe w’iyi nkuru yawe wemeza ko no gusinya byarangiye. Ariko nashatse aho wanditse igiciro cya cash bageretseho ndaheba.ariko namwe murakabya yee.

    4 weeks ago

Inzindi nkuru

Munyakazi Sadate yandikiye Perezida Kagame amusaba kumufasha gukemura...

Umuyobozi w’ikipe ya Rayon Sports,Munyakazi Sadate yandikiye Nyakubahwa...
25 May 2020 Yasuwe: 2170 0

KNC yatangaje igihe ikipe ye ya Gasogi United izatangira gukinira kuri...

Umuyobozi w’ikipe ya Gasogi United,Kakooza Nkuriza Charles uzwi nka KNC...
25 May 2020 Yasuwe: 2149 0

Rayon Sports yatakaje undi mukinnyi ukomeye yagenderagaho

Ikipe ya Rayon Sports iri mu bihe bibi cyane yatakaje myugariro wayo...
25 May 2020 Yasuwe: 2009 0

Paul Muvunyi yabeshye aba-Rayon Bisi ’Bus’ none ijyanwe mu cyamunara

Imodoka yo mu bwoko bwa Bisi ’Bus’ yarisanzwe izwi ko ari iy’ikipe ya Rayon...
24 May 2020 Yasuwe: 5871 3

Usain Bolt arashinjwa gushaka guca inyuma umugore we ubwo yari...

Umunya Jamaica witwa Usain Bolt wamaze igihe kinini ari nimero ya mbere ku...
24 May 2020 Yasuwe: 1185 1

Iragire saidi yatangiye kotsa igitutu Rayon Sports ngo imurekure yerekeze...

Myugariro Iragire Saidi yamaze kwandikira RAYON SPORTS FC ayisaba kumuha...
24 May 2020 Yasuwe: 2190 1