skol
Kigali
startimes

FC Barcelona yihimuye kuri Napoli mu gihe Bayern Munich yihanije Chelsea FC

Imyidagaduro   Yanditswe na: Dusingizimana Remy 8 August 2020 Yasuwe: 1777

Kuri uyu wa Gatandatu tariki ya 08 Kanama 2020,hakomeje imikino ya 1/16 cya UEFA Champions League aho amakipe y’ibigugu muri iri rushanwa,FC Barcelona na Bayern Munich yakomeje bitayagoye.


Bayern Munich yari yanyagiye Chelsea FC ibitego 3-0 mu mukino ubanza wari wabereye ku kibuga Stamford Bridge,yanayakiriye iyipfunyikira impamba ihambaye y’ibitego 4-1.

Bayern Munich yafunguye amazamu ku munota wa 10 ibifashijwemo na Robert Lewandowski kuri penaliti yakoreweho n’umunyezamu Caballero.

Ku munota wa 24, Ivan Perisic yatsindiye igitego cya kabiri Bayern Munich ku mupira mwiza yahawe na Robert Lewandowski.

Mbere y’uko amakipe yombi ajya kuruhuka,Chelsea yabonye igitego cyatsinzwe na Tammy Abraham ku mupira umunyezamu Neuer yananiwe gukura imbere y’izamu.

Bayern Munich yagarutse mu gice cya kabiri imeze nabi cyane iza kwinjiza ibindi bitego 2 ibifashijwemo na Corentin Tolisso ku munota wa 76 na Robert Lewandowski ku munota wa 84.Ikipe ya Bayern Munich yarangije 1/16 itsinze Chelsea ibitego 7-1 mu mikino yombi.

Mu wundi mukino wabaye muri iri joro,FC Barcelona iherutse kubura LA LIGA yiyunze n’abakunzi bayo,itsinda Napoli ibitego 3-1 mu mukino wo kwishyura nyuma y’aho ubanza wabaye igitego 1-1.

FC Barcelona yafunguye amazamu ku munota wa 10 w’umukino ibifashijwemo na
Clement Lenglet n’umutwe ku mupira wari uturutse muri Koloneri.

Ku munota wa 23 w’umukino,kizigenza Lionel Messi yatsinze igitego cyiza cyane nyuma yo gucenga ba myugariro bose ba Napoli arangije atera ishoti mu izamu yihengetse Ospina ntiyabasha kurikuramo.

Lionel Messi yatsinze ikindi gitego ku munota wa 30 ariko umusifuzi avuga ko yabanje kugaruza umupira n’amaboko agatsinda.

FC Barcelona yarangije akazi ku munota wa 45 ubwo yabonaga penaliti ku ikosa myugariro Koulibaly yakoreye kuri Messi mu rubuga rw’amahina ubwo yahushaga umupira agakubita akaguru ke.Iyi penaiti yinjijwe neza na Luis Suarez.

Mbere y’uko Igice cya mbere kirangira,Napoli yabonye penaliti ku ikosa Rakitic yakoreye kuri Mertens ubwo yamukandagiraga mu rubuga rw’amahina hanyuma Lorenzo Insigne ayinjiza neza.Umukino warangiye FC Barcelona itsinze ibitego 3-1 byiyngera kuri 1-1 yanganyije na Napoli mu mukino ubanza biba 4-2 mu mikino yombi.

FC Barcelona izahura na Bayern Munich muri ¼ Lisbon mu cyumweru gitaha.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2465 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 993 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 2103 0

Munyakazi Sadate na Komite ye yose bakuweho nyuma y’ibibazo bikomeye byari...

Komite ya Rayon Sports yari iyobowe na Munyakazi Sadate yegujwe n’inama...
22 September 2020 Yasuwe: 4228 3

Ivan Rakitic yahishuye uko Messi na Suarez batari inshuti ze

Umukinnyi wo hagati Ivan Rakitic wari umaze imyaka 6 mu ikipe ya FC...
22 September 2020 Yasuwe: 1531 0

Rayon Sports yasinyishije Ghislain Armel warangaranwe na Kiyovu...

Rutahizamu Armel Ghislain wakiniraga ikipe ya Kiyovu Sports yamaze gusinya...
21 September 2020 Yasuwe: 1904 0