Kigali

FC Barcelona yirukanye umutoza wayo Valverde ihita imusimbuza undi utazwi cyane

Imyidagaduro   Yanditswe na: Dusingizimana Remy 14 January 2020 Yasuwe: 2441

Nubwo yari ku mwanya wa mbere muri shampiyona ya La Liga,umutoza Ernesto Valverde yirukanwe na FC Barcelona nyuma y’iminsi yari ishize atwitwara neza mu marushanwa atandukanye arimo na Super Cup baherutse gutsindwamo na Atletico Madrid.



Ernesto Valverde wari umaze imyaka 2 n’igice atoza FC Barcelona yirukanwe mu ijoro ryo kuri uyu wa kabiri azira umusaruro mubi ahita asimbuzwa uwitwa Quique Setien wigeze gutoza Real Betis.

Nubwa mbere mu myaka 17 ikipe ya FC Barcelona yirukanye umutoza mu mwaka w’imikino hagati.Uyu Setien wahawe akazi ko gutoza Barcelona n’umugabo w’imyaka 61 washakwaga na Watford mu Ukuboza umwaka ushize.

FC Barcelona yatangaje ko yifuza gushimira Valverde kubera umuhati we ndetse no gukunda akazi byamuranze muri iyi kipe.



Ibinyujije kuri Twitter,FC Barcelona yagize iti “Twemeranyije na Ernesto Valverde gusesa amasezerano ye nk’umutoza mukuru.Warakoze kuri buri kimwe Ernesto.Amahirwe masa mu gihe kizaza.”

Mu minsi ishize,Valverde yavugirijwe induru n’abafana nyuma yo gusezererwa na Atletico Madrid muri Super cup bituma benshi bavuga ko akazi ke kari mu mazi abira.

Valverde w’imyaka 55 yagombaga gusimbuzwa Xavi cyangwa Mauricio Pochettino gusa byarangiye Setien ariwe uhawe akazi.Uyu mutoza arerekwa abafana kuri uyu wa kabiri aho yahawe amasezerano y’imyaka 2 n’igice.



Umutoza Valverde muri FC Barcelona yatwaye ibikombe birimo La Liga 2 (2017-18, 2018-19), Copa del Rey (2017-18) na Spanish Super Cup (2018).




Umutoza mushya wa FC Barcelona Quique Setien

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abakinnyi ba Juventus n’umutoza Maurizio Sarri bemeye kumara amezi 4...

Abakinnyi b’ikipe ya Juventus n’umutoza wabo Maurizio Sarri bemeye ko...
29 March 2020 Yasuwe: 352 0

Cristiano Ronaldo yakoze benshi ku mutima kubera icyemezo yafashe kugira...

Rutahizamu wa Juventus,Cristiano Ronaldo yakoze benshi ku mutima kubera...
28 March 2020 Yasuwe: 8147 0

Cesc Fabregas yatangaje ikintu kibi yakoreye umutoza Wenger yicuza...

Umukinnyi Cesc Fabregas ukinira ikipe ya AS Monaco ariko wanyuze mu makipe...
28 March 2020 Yasuwe: 4160 0

Umukinnyi Niyigaba Ibrahim wakiniye Police FC yitabye Imana azize...

Umukinnyi Niyigaba Ibrahim bitaga Lukaku wakinaga asatira mu makipe nka...
28 March 2020 Yasuwe: 3812 0

Samuel Eto’o yatangaje amagambo yabwiwe na Mourinho bakimara gutwara...

Uwahoze ari umukinnyi ukomeye mu makipe nka FC Barceloana,Inter Milan na...
27 March 2020 Yasuwe: 4370 0

Umugabo n’umugore bakoze ubukwe bw’iminota 30 bwarangiye ntawe ukoze ku wundi...

Umugeni witwa Irra Chorina Octora w’imyaka 29 n’umugabo we witwaYavuz Ozdemir...
26 March 2020 Yasuwe: 5592 0