Kigali

FERWACY yashyize hanze inzira Tour du Rwanda 2020 izacamo zirimo imwe ireshya na 206 KM

Imyidagaduro   Yanditswe na: Dusingizimana Remy 21 November 2019 Yasuwe: 2338

Ishyirahamwe ry’umukino wo gusiganwa ku magare mu Rwanda [FERWACY] ryashyize hanze inzira Tour du Rwanda 2020 izacamo zirimo urugendo rurerure cyane rwa Kilometero 206 ruzava Rusizi rwerekeza I Rubavu.



Uyu munsi taliki ya 21 Ugushyingo nibwo hamuritswe inzira Tour du Rwanda izacamo n’amakipe azayitabira aho FERWACY yagerageje gukora impinduka zizatuma iryoha birenze.

Iyi Tour du Rwanda 2020 izakinwa kuva tariki ya 23 Gashyantare kugeza tariki ya 1 Werurwe 2020, yashyizwemo ibiruhanya byinshi aho agace ko kuzamuka ahazwi nko kwa mutwe kazakorwa umukinnyi akina ku giti cye [ITT].

Tour du Rwanda 2020 izaba iri kuba ku nshuro ya kabiri nyuma yo gushyirwa ku gipimo cya 2.1 izanyura mu migi itandukanye aho agace karekare ari aka kane kazava Rusizi kerekeza I Rubavu ku ntera ya kilometero 206,3.

Tour du Rwanda n’isiganwa mpuzamahanga rigiye kuba ku nshuro ya 12 kuva mu 2009 aho kuri iyi nshuro izitabirwa n’amakipe akomeye arimo Direct Energie ikinamo ibyamamare nka Lilian Calmejane watwaye agace muri Tour de France n’abandi.

Muri rusange, Tour du Rwanda izaba ikinwa ku nshuro ya 12 kuva mu 2009 ubwo yabaga mu gihe yari yanditse mu mpuzamashyirahamwe y’uyu mukino ku rwego rw’isi (UCI).Tour du Rwanda 2019 ifitwe na Merhawi Kudus ukinira ASTANA.

Inzira za Tour du Rwanda 2020 izacamo:

Agace ka 1: kuwa 23 Gashyantare 2020: Kigali Arena-Kimironko: 114,4 Km
Agace ka 2: kuwa 24 Gashyantare 2020: Kigali-Huye: 120,5 Km
Agace ka 3: Kuwa 25 Gashyantare 2020: Huye-Rusizi: 142,0 Km
Agace ka 4: Kuwa 26 Gashyantare 2020: Rusizi-Rubavu: 206,3 Km
Agace ka 5: Kuwa 27 Gashyantare 2020: Rubavu-Musanze: 84,7 Km
Agace ka 6: Kuwa 28 Gashyantare 2020: Musanze-Muhanga:127,3 Km
Agace ka 7: Kuwa 29 Gashyantare 2020: Nyamirambo (Intwari) - Kwa Mutwe - Kuri 40: 4,5 Km.
Agace ka 8: Kuwa1 Werurwe 2020: Kigali Expo Ground-Rebero: 89,3 Km

Amakipe 17 arimo atandatu y’ibihugu (National Team) ni yo azitabira Tour du Rwanda 2020. Kugeza ubu 16 niyo amaze kwemeza ko azitabira mu gihe ikipe imwe izamenyekana mu Ukuboza 2019.

Amakipe y’ibihugu 6 azaba ari muri Tour du Rwanda 2020 ni; Team Rwanda, Cameroon, Algeria, Ethiopia, Eritrea na Belgium.

Andi makipe (Clubs): Benediction Excel Energy (Rwanda), Bai Sicasal (Angola), Pro Touch (South Africa), Bike Aid (Germany), Vino Astana Motors (Kazakhstan), Delko Marseille (France), Team Novo Nordisk (USA), Androni Giocattoli (Italy), Directe Energie (France), Israel Cycling Academy).

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abafana ba Manchester United bateguye imyigaragambyo yo kwamagana abaherwe...

Abafana ba Manchester United bari mu kababaro k’uko ikipe yabo iri gutsindwa...
25 January 2020 Yasuwe: 1243 0

Kiyovu Sport niyo yasimbuye Rayon Sports mu gikombe cy’Intwari...

Mu itangazo FERWAFA yashyize ahagaragara kuri uyu wa Gatanu, yemeje ko...
25 January 2020 Yasuwe: 1069 2

Umukinnyi wahoze muri FC Barcelona yatangaje ikintu abakinnyi bayo bose...

Umukinnyi witwa Jean-Clair Todibo wa FC Barcena ariko watijwe muri Schalke...
24 January 2020 Yasuwe: 4967 0

Rayon Sports yashyize hanze ibisabwa kugira ngo yitabire amarushanwa...

Ubuyobozi bw’ikipe ya Rayon Sports bwashyize hanze bimwe mu bisabwa abashaka...
24 January 2020 Yasuwe: 4025 3

Rayon Sports yikuye mu irushanwa ry’igikombe cy’Intwari 2020

Ikipe ya Rayon Sports yamaze gutangaza ko itazitabira irushanwa ry’Igikombe...
24 January 2020 Yasuwe: 3061 10

FERWAFA yatangaje uko amakipe azahura mu gikombe cy’Amahoro

Ku cyicaro cya FERWAFA habereye Tombola y’uko amakipe agomba guhura mu...
24 January 2020 Yasuwe: 1968 0