addresiya
Kigali
startimes

FERWAFA yatanze amabwiriza yo kurwanya Coronavirus inashyiraho ibihano ku makipe atazayubahiriza

Imyidagaduro   Yanditswe na: Dusingizimana Remy 10 March 2020 Yasuwe: 2511

Ishyirahamwe ry’umupira w’amaguru mu Rwanda [FERWAFA] ryasabye amakipe gukaza ingamba mu kurwanya Coronavirus afasha abafana baje ku mikino gukora isuku irenze iyatangwaga kugira ngo hirindwe icyorezo cya Coronavirus cyibasiye isi.



Mu ibaruwa ya FERWAFA, amakipe yabwiwe ko agomba kujya azana ibikoresho byo gukora isuku ku kibuga hakiri kare mu gihe yasabye abafana guhagarika guhana ibiganza basuhuzanya no kureka guhoberana.

Iyi baruwa igira iti "

Tugendeye ku ikwirakwira ry’icyorezo cya Koronavirusi (COVID-19) hirya no hino ku isi ndetse n’ingamba Leta y’u Rwanda yashyizeho mu rwego rwo kwirinda no gukumira icyo cyorezo mu Rwanda,

Tugendeye kandi ku butumwa bwa Minisitiri w’Intebe bwo ku wa 06 Werurwe 2020 bujyanye n’icyorezo cya Koronavirus (COVID-19), tubandikiye tugira ngo tubamenyeshe ko mu rwego rwo kwirinda no gukumira icyo cyorezo, musabwa gukora ibi bikurikira ku mukino mwakiriye mu marushanwa yose ategurwa na FERWAFA:

1. Guteganya uburyo buhagije bwo gukaraba no gusukura intoki hakoreshejwe amazi asukuye n’isabune cyangwa ubundi buryo bwo gusukura intoki (Hand sanitize) aho abinjirira ku bibuga byabereho umukino.

2.Kwirinda kuramukanya abantu bahana ibiganza cyangwa bahoberana (abafana, abakinnyi n’abatoza).

Icyitonderwa

Ibikoresho byose bikenewe bigomba kuba byageze ahabera umukino nibura amasaha abiri mbere y’uko umukino utangira.

FERWAFA ifatanyije n’izindi nzego zinyuranye bireba izakomeza kubagezaho ingamba zitandukanye zigamije gukumira icyo cyorezo.

FERWAFA yabwiye abanyamuryango bayo ko ikipe itazakurikiza amabwiriza yavuzwe haruguru, izajya iterwa mpaga ndetse ikirengera ingaruka zaterwa no kutayubahiriza.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Cristiano Ronaldo yabaye umukinnyi wa mbere wa ruhago utunze miliyari...

Ikinyamakuru Forbes cyatangaje ko kabuhariwe Cristiano Ronaldo ukinira...
5 June 2020 Yasuwe: 1881 0

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 1668 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1522 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1666 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2411 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4804 0