Kigali
startimes

FIFA yasohoye urutonde ngarukamwaka rw’abakinnyi 100 ba mbere bakomeye ku isi Lionel Messi akura Cristiano Ronaldo ku mwanya wa mbere

Imyidagaduro   Yanditswe na: Martin Munezero 10 September 2019 Yasuwe: 3131

Impuzamashyirahamwe y’umupira w’amaguru ku isi yasohoye urutonde ngarukamwaka rw’abakinnyi 100 ba mbere bakomeye ku isi, aho Lionel Messi yasimbuye Cristiano Ronaldo ku mwanya wa mbere kuri uru rutonde.



Messi afite amanota 94 nyuma yo kwitwara neza mu mwaka w’imikino ushize ari kumwe na FC Barcelona akinira, mu gihe Cristiano Ronaldo wa kabiri kuri runo rutonde amugwa mu ntege n’amanota 93.

Umuholandi Virgil Van Dijk uheruka kwegukana igihembo cy’umukinnyi mwiza i Burayi na we agaragara kuri uru rutonde aho ari ku mwanya wa karindwi, bigashimangira ko ari we myugariro wa mbere ku isi magingo aya.

Abandi bagaragara mu 10 ba mbere bagaragara kuri uru rutonde barimo Kevin De Bruyne wagizwe umukinnyi mwiza wa Premier league. Uyu musore ukomoka mu Bubiligi ni uwa gatanu kuri uru rutonde n’amanota 91, inyuma ya Neymar wa gatatu na Eden Hazard wa kane.

Abazamu babiri barimo Jan Oblak wa Atletico Madrid na Marc Andre-Ter Stegen na bo bari mu 10 ba mbere bayoboye uru rutonde, cyo kimwe n’abakinnyi nka Mohamed Salah na Luka Modric.

Abanyafurika bagaragara kuri uru rutonde barimo Mohamed Salah, Sadio Mane, Kalidou Koulibaly na Pierre Emerick Aubameyang.

Muri rusange Manchester City na Real Madrid zifite abakinnyi 10 kuri uru rutonde, FC Barcelona irufiteho abakinnyi umunani, mu gihe Liverpool ifite UEFA Champions league irufiteho abakinnyi barindwi.

Ni mu gihe kandi Manchester United na Arsenal zirufiteho abakinnyi babiri, na ho Chelsea ikaba iruhagarariweho na N’golo Kante gusa.

Urutonde rw’abakinnyi 20 ba mbere ku isi

1 – Lionel Messi, Barcelona (94)

2 – Cristiano Ronaldo, Juventus (93)

3 – Neymar, PSG (92)

4
– Eden Hazard, Real Madrid (91)

5 – Kevin De Bruyne, Manchester City (91)

6 – Jan Oblak, Atletico Madrid (91)

7 – Virgil van Dijk, Liverpool (90)

8 – Mohamed Salah, Liverpool (90)

9 – Luka Modric, Real Madrid (90)

10 – Marc-Andre Ter Stegen, Barcelona (90)

11 – Kylian Mbappe, PSG (89)

12 – Sergio Ramos, Real Madrid (89)

13 – Sergio Aguero, Manchester City (89)

14 – Giorgio Chiellini, Juventus (89)

15 – Robert Lewandowski, Bayern Munich (89)

16 – Harry Kane, Tottenham (89)

17 – Kalidou Koulibaly, Napoli (89)

18 – N’Golo Kante, Chelsea (89)

19 – Alisson, Liverpool (89)

20 – Antoine Griezmann, Barcelona (89)

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 859 0

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 1513 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 976 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 1706 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4295 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1678 0