skol
Kigali
startimes

Frank Lampard yatangaje abakinnyi 3 yishimiye mu mukino yatsinzwemo na Liverpool

Imyidagaduro   Yanditswe na: Dusingizimana Remy 21 September 2020 Yasuwe: 4811

Umutoza wa Chelsea,Frank Lampard yatangaje ko nubwo yaraye atsinzwe na Liverpool ibitego 2-0 muri Premier League,ariko hari abakinnyi 3 bamukoze ku mutima muri uyu mukino utamworoheye na busa cyane ko yakinnye igice cya kabiri cyose afite abakinnyi 10 gusa kubera Andreas Christensen wahawe umutuku.


Lampard washoye akayabo ka miliyoni zisaga 200 ku isoko mu kugura abakinnyi biganjemo abakiri bato,yavuze ko nubwo yatsinzwe ariko urwego rwa ba myugariro be 3 rwari rwiza ndetse 3 muri bo yabashimiye byimazeyo.

Yagize ati “Mbabajwe cyane no kubura amanota 3 nkuko bigomba kumera ariko uyu munsi nanone ndishimye ku rundi ruhande kubera impamvu nyinshi kurusha uko nari meze kuri Brighton.

Kuri Brighton twabonye amanota 3,twakinnye neza nubwo tutakoze imyitozo yo kwitegura ihagije.Uyu munsi nabonye kwitanga guhambaye mu kugarira ku bakinnyi banjye 3 barimo Reece James, Kurt Zouma na Fikayo Tomori ubwo yari yinjiye mu kibuga.

Abo hagati bitanze cyane.gukina igice cyose ufite abakinnyi 10,kugira ibyago byo kwinjizwa igitego cya kabiri giturutse ku ikosa ry’umuzamu byose n’umupira w’amaguru ntacyo nabivugaho.”

Lampard ntiyigeze yemeranya n’umusifuzi ku ikarita itukura yatanzwe gusa avuga ko ariyo yatumye agorwa n’uyu mukino.

Mu mukino wo kuri iki cyumweru,Liverpool yabanje kugorwa n’intangiriro z’igice cya mbere,ariko ku munota wa 50 w’umukino yafunguye amazamu ku gitego cyatsinzwe na Sadio Mane ku mupira mwiza yahawe na Roberto Firmino.

Bidatinze ku munota wa 54 umunyezamu Kepa Arrizabalaga yahawe umupira mwiza na Fikayo Tomori aho kuwuhereza umukinnyi wari imbere ye,Reece James, awuha Sadio Mane amutsinda igitego cya kabiri cyakuye Chelsea FC mu mukino bituma itakaza amanota 3.

Umutoza Frank Lampard wari wabanje mu kibuga Werner na Havertz yaguze akayabo, yagowe cyane n’iyi karita itukura bituma akuramo uyu Havertz igice cya kabiri kigitangira yinjiza myugariro Fikayo Tomori.

Abandi bakinnyi yaguze barimo Thiago Silva na Ben Chilwell ntibari mu bakinnyi 18 yagombaga gukinisha kuri uyu mukino cyo kimwe na myugariro Rudiger batabanye neza ndetse biravugwa ko ashobora kwigendera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jules Ulimwengu yahakanye ibyo kuva mu Rwanda atorotse n’icyo atazibagirwa...

Rutahizamu Jules Ulimwengu wafashije Rayon Sports gutwara igikombe cya...
21 October 2020 Yasuwe: 203 0

Umukino wa mbere ugomba guhuza u Rwanda na Cap Verde wimuriwe...

Umukino wo gushaka itike y’igikombe cya Afurika wagombaga guhuza CapeVerde...
20 October 2020 Yasuwe: 1246 0

Koeman wizeye ko Messi azakina neza kurushaho ntabwo yiha amahirwe menshi...

Umutoza Ronald Koeman wa Barcelona avuga ko imikinire ya Lionel Messi...
20 October 2020 Yasuwe: 697 0

Aubameyang yahaye ubutumwa bukomeye abakomeje kumwibasira bamushinja...

Kapiteni w’ikipe ya Arsenal, Pierre-Emerick Aubameyang ukomeje kwibasirwa na...
19 October 2020 Yasuwe: 1972 0

Jose Mourinho yongeye kwibasira Arsene Wenger wanze kumwandika mu gitabo...

Umutoza wa Tottenham,Jose Mourinho,yatangaje ko atatunguwe n’uko mugenzi we...
19 October 2020 Yasuwe: 3565 0

Andrea Pirlo yibasiye abakinnyi be bananiwe gutsinda ikipe ikizamuka

Umutoza mushya wa Juventus,Andrea Pirlo yibasiye abakinnyi be bananiwe...
19 October 2020 Yasuwe: 1443 0