Kigali

KNC yanze kuripfana agira icyo atangaza ku mukino yatsinzwemo na Police FC

Imyidagaduro   Yanditswe na: Martin Munezero 9 February 2020 Yasuwe: 4889

Umuyobozi mukuru w’ikipe ya Gasogi United, Kakooza Nkuriza Charles ‘KNC’,wari watangaje ko ntarundi rwitwazo ikipe abereye umuyobozi ifite uretse gutahana amanota atatu ku mukino wayihuje na Police FC yagize icyo atangaza nyuma yo kunyagirwa nayo ibitego 2-0.



KNC yavuze ko ikipe abereye umuyobozi yakinnye neza ku buryo bugaragara, akaba yemeza ko kuba Police FC yabatsinze ari ukubura amahirwe naho ubundi ko itabarushije umukino mwiza.

Hari mu mukino w’umunsi wa 19 wa shampiyona y’icyiciro cya mbere mu Rwanda umwaka w’imikino wa 2019-2020, Gasogi United yatsinzwe na Police FC 2-0.

KNC yari yavuze ko nta rwitwazo na rumwe bagomba kubona kuri uyu mukino ko ahubwo bagomba gustinda Police FC uko byaba bimeze kose.



KNC nyuma yo kubona ko ibyo yari yateganyije bitamuhiriye,yavuze ko n’ubwo batsinzwe ariko we ntacyo ashinja abasore be kuko bakinnye Police FC ikaba ari yo itsinda.

Yagize ati“gukina no gutsindwa ni ibintu bibiri bitandukanye, ngira ngo uyu munsi twabuze amahirwe gusa ntabwo wavuga ngo Police FC yaturushije kuko ugereranyije twayiteye koruneri zirenga 16, duhusha ibitego ku murongo birenga 4, iyo wahusije ibitego nka biriya ntabwo amahirwe aba ari ku ruhande rwa we.”

“Police FC n’ubwo yadutsinze yadutsinze tuyirusha, ndakeka utajya kugereranya ngo Police FC yadutsinze iturusha kuko twayirushaga ku kigero cya 70% ni amahirwe make nta kindi.”



Yakomeje avuga ko yishimiye uburyo abasore be barimo kwitwara muri iyi minsi bityo ko kuba bakina neza n’igihe kizagera izamu bakaribona n’ibitego bikajyamo.

Yemeje ko ubu bagiye gutegura umukino wa Mukura VS kuko ari yo igiye gukurikiraho, akaba yizeye ko bazayiha akazi gakomeye kuko ubundi Gasogi United ngo ntijya itsindwa imikino 2 yikurikiranya.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 4234 0

Rutahizamu w’umunyarwanda yatanze ubuhamya bw’ukuntu yakoreshaga...

Rutahizamu w’umunyarwanda wakiniye amakipe atandukanye hano mu Rwanda ari mo...
30 March 2020 Yasuwe: 8830 0

Karim Benzema yibasiye cyane Olivier Giroud bakinannye mu ikipe...

Rutahizamu wa Real Madrid Karim Benzema yibasiye cyane mugenzi we bavuka mu...
30 March 2020 Yasuwe: 3327 0

Rutanga Eric yatangaje impamvu akunze gutsinda ibitego byo mu minota ya...

Umukinnyi akaba na kapiteni wa Rayon Sports,Rutanga Eric, yatangaje ko...
30 March 2020 Yasuwe: 2858 0

Bamwe mu bakinnyi ba FC Barcelona ntibumva ibyo gukatwa 70% by’umushahara...

Kuwa Kane w’iki cyumweru,abakinnyi bose b’ikipe ya FC Barcelona babwiwe ko...
29 March 2020 Yasuwe: 1814 0

Abakinnyi ba Juventus n’umutoza Maurizio Sarri bemeye kumara amezi 4...

Abakinnyi b’ikipe ya Juventus n’umutoza wabo Maurizio Sarri bemeye ko...
29 March 2020 Yasuwe: 740 0