Kigali
dnd

Gor Mahia yiyemeje guhangana n’ibigugu bitatu mu rugamba rwo gusinyisha Jules Ulimwengu

Imyidagaduro   Yanditswe na: Dusingizimana Remy 11 July 2019 Yasuwe: 9114

Umutoza wa Gor Mahia, Oktay Hassan ukomoka mu gihugu cya Turkia yatangaje ko ikipe ye yakwifuza gutunga rutahizamu wa Rayon Sports Jules Ulimwengu umaze gutsinda ibitego 30 mu mikino 32 yakinnye muri uyu mwaka w’imikino amaze mu Rwanda.



Jules Ulimwengu yatangiye kureshya amaso y’amakipe akomeye hanze y’u Rwanda, nyuma yo kuyobora abatsinze ibitego byinshi muri shampiyona no mu gikombe cy’Amahoro ndetse kugeza ubu muri CECAFA Kagame Cup iri kubera mu Rwanda niwe uyoboye ba rutahizamu.

Umutoza Hassan Oktay yabwiye abanyamakuru ko Gor Mahia atoza yakwifuza gutunga uyu Murundi ufite ubuhanga budasanzwe bwo gutaha izamu atitaye ku kigugu Rayon Sports iri gukina nacyo.

Yagize ati “Ni byo koko turi kuganira na ba rutahizamu benshi byanashoboka ko na we(Ulimwengu) arimo. Ntabwo twabavuga amazina, ariko turifuza kuzana umukinnyi ufite ubunararibonye wamenyereza abo dufite kuri ubu”.

Mu masezerano Rayon Sports yagiranye na Ulimwengu,harimo ingingo ivuga ko ikipe imwifuza igomba kwishyura ibihumbi 150 by’amadorali ariyo mpamvu byagora Gor Mahia.

Nkuko amakuru dukesha ikinyamakuru Funclub abitangaza,amakipe atatu akomeye arifuza rutahizamu Ulimwengu, arimo iyo muri Afurika y’epfo yiteguye gutanga ibihumbi 45, iyo mu Misiri yatanze 60 n’iyo mu Butaliyani bivugwa ko yifuza gutanga ibihumbi 80 by’amadorali.


Ulimwengu yatangiye kwifuzwa n’ibigugu bitandukanye

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Bernard Ngabonziza

    Uyu ni Rutahizamu ntashidikanywaho, urebye imyaka afite, ubuhanga bwo gutsinda ibitego, uko asaba umupira, uko atanga umupira ahita yirukira muri surface nk’umurabyo, murebe igitego yatsinze Mazembe uko yahaye umupira Iranzi ari ku ruhande, mu kanya gato abayageze mu rubuga rw’amahina! Uyu ntasanzwe mu gutaha izamu, ahubwo hariho igihe yinjira neza cyane mu rubuga bagenzi be ntibamubone, ubona yakora ibirenze ibyo akora. Ikindi kandi, kubona muri iki gihe Rutahizamu utsinda ibitego 30 mu mikino 32, ari n’umusore w’ibyaka 21, ntibisanzwe. Rayon ikwiye kwitondera abayiha udufaranga tw’intica ntikize.

    July 2019
  • chat_bubble Higiro

    uyu mwana n’isi kbs ahora ahuna huna impere y’izamu mpaka abonye umuhigo kandi uba ubona bitari bukunde,ariko ukuntu abigenza niwe ubizi,nange mbona byagezemo abafana bari mubicu.

    July 2019
  • chat_bubble hitimana

    Abakinnyi b’umupira urabakiza cyane batarushye.Ariko tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye "gushaka mbere na mbere ubwami bw’imana" nkuko Matayo 6,umurongo wa 33 havuga,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6,umurongo wa 40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana kandi batibera mu byisi gusa.

    July 2019
  • chat_bubble Kamayirese

    Abakinnyi beza bari guhagurukira muri 200.000$, na 300,000$ naho uwo ngo ni top score ngo n’angahe?

    July 2019

Inzindi nkuru

Cristiano Ronaldo yavugishije benshi kubera ibyo yakoranye na...

Rutahizamu wa Juventus,Cristiano Ronaldo,yatumye benshi bacika ururondogoro...
22 January 2020 Yasuwe: 4200 0

Umumotari yafunzwe azira gutega umupolisi akamwambura imbunda...

Umumotari witwa John Njoroge ukomoka muri Kenya yaciye ibintu nyuma y...
22 January 2020 Yasuwe: 3915 0

Mohamed Salah yavuze ku bivugwa ko atumvikana na mugenzi we bakinana Sadio...

Umunya Misiri Mohamed Salah ukina mu ikipe ya Liverpool yavuze ko ibivugwa...
22 January 2020 Yasuwe: 2643 0

KNC yatangaje ibanga rikomeye umutoza Maso yamenye ku mukino wa Rayon...

Umushoramari akaba na nyiri ikipe ya Gasogi United yatangaje ko yafashe...
22 January 2020 Yasuwe: 4128 0

Frank Lampard yabwiye amagambo akomeye abakinnyi be bananiwe gutsinda...

Umutoza wa Chelsea,Frank Lampard yarakariye cyane abakinnyi be bitwaye nabi...
22 January 2020 Yasuwe: 2931 0

Amavubi yisanze mu itsinda rimwe n’amakipe 2 yo muri EAC mu gushaka itike yo...

Amavubi y’u Rwanda yisanze mu itsinda E mu gushaka itike yo kwerekeza mu...
21 January 2020 Yasuwe: 1962 3