addresiya
Kigali
startimes

Hafashwe umwanzuro ku hazaza ha Premier League yahagaze kubera Coronavirus

Imyidagaduro   Yanditswe na: Dusingizimana Remy 3 April 2020 Yasuwe: 2648

Mu nama yahuje abategura shampiyona ya Premier League, abafatanyabikorwa n’abahagarariye amakipe 20 ayikina, yakozwe hifashishijwe ikoranabuhanga ry’amashusho (Video Conference),yarangiye hafashwe icyemezo cyo kuyihagarika kugeza igihe Covid -19 izaba yagabanyije ubukana nta mutima uhagaze uhari.



Umwanzuro wa mbere wafatiwe muri iyi nama nuko Premier League yiyemeje gutanga inkunga ya miliyoni 20 z’amapawundi ku baganga ba NHS batorohewe muri ibi bihe bya Coronavirus.

Premier League yavuze ko icyo ishyize imbere ari ukurinda ubuzima bw’abantu no kumera neza kw’abakinnyi, abatoza, abayobozi b’amakipe n’abafana.

Ku bijyanye n’isubukurwa rya Premier League y’uyu mwaka w’imikino wa 2019/20,abayitegura bavuze ko izagaruka igihe bizaba bishoboka ko yakinwa

Mu minsi ishize abategura Premier League bavuze ko gusubukurwa nyuma ya tariki ya 30 Mata, gusa ibi ntibigishobotse ndetse iki cyorezo gikomeje bishobora kurangira idakinwa.

Mbere y’iyi nama havugwaga ko hashobora gufatwa umwanzuro wo kujyana amakipe agakinira mu Bushinwa ho ibintu bitangiye kumera neza,abandi bavugaga ko amakipe yose uko ari 20 ashobora guhurira I London agakina imikino irenga 90 mu masitade yaho hari n’abavugaga ko izahagarikwa burundu Liverpool igahabwa igikombe.

Itariki imikino izongera kuberaho iri kwigwaho n’abatanyabikorwa barimo inzego z’umupira w’amaguru zitandukanye, Guverinoma y’Ubwami bw’u Bwongereza n’izindi nzego.

Uretse Shampiyona,n’ibindi bikombe bitandukanye mu Bwongereza yaba mu bagabo n’abagore bizakinwa bisozwe ariko mu gihe Coronavirus izaba imaze kugabanya ubukana.

Ku rundi ruhande,abayobozi ba Jupiler League y’Ubiligi batangaje ko iyi shampiyona igomba guhagarikwa burundu kubera Coronavirus hanyuma amakipe ahembwe uko bimeze, aho Club Brugge yahise itwara igikombe,hanyuma andi makipe akurikirana uko urutonde rwari rumeze itahagarara.

Kuri uyu wa Kane nibwo abayobozi ba Jupiter League batoye ku bwiganze bw’amajwi ko shampiyona ya 2019-20 yahagarikwa burundu nubwo hari hasigaye umukino umwe ngo imikino irangire binjire muri kamarampaka [Playoffs].Uyu mwanzuro uzemezwa mu nama y’inteko rusange izaba kuwa 15 Mata 2020.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Munyakazi Sadate yandikiye Perezida Kagame amusaba kumufasha gukemura...

Umuyobozi w’ikipe ya Rayon Sports,Munyakazi Sadate yandikiye Nyakubahwa...
25 May 2020 Yasuwe: 1844 0

KNC yatangaje igihe ikipe ye ya Gasogi United izatangira gukinira kuri...

Umuyobozi w’ikipe ya Gasogi United,Kakooza Nkuriza Charles uzwi nka KNC...
25 May 2020 Yasuwe: 1861 0

Rayon Sports yatakaje undi mukinnyi ukomeye yagenderagaho

Ikipe ya Rayon Sports iri mu bihe bibi cyane yatakaje myugariro wayo...
25 May 2020 Yasuwe: 1850 0

Paul Muvunyi yabeshye aba-Rayon Bisi ’Bus’ none ijyanwe mu cyamunara

Imodoka yo mu bwoko bwa Bisi ’Bus’ yarisanzwe izwi ko ari iy’ikipe ya Rayon...
24 May 2020 Yasuwe: 5555 3

Usain Bolt arashinjwa gushaka guca inyuma umugore we ubwo yari...

Umunya Jamaica witwa Usain Bolt wamaze igihe kinini ari nimero ya mbere ku...
24 May 2020 Yasuwe: 1178 1

Iragire saidi yatangiye kotsa igitutu Rayon Sports ngo imurekure yerekeze...

Myugariro Iragire Saidi yamaze kwandikira RAYON SPORTS FC ayisaba kumuha...
24 May 2020 Yasuwe: 2184 1