Umukinnyi Niyonzima Haruna wari umaze igice cya shampiyona muri AS Kigali,yamaze gusubira muri Yanga Africans yakiniye imyaka myinshi mbere yo kwerekeza muri mukeba Simba SC bahanganira mu mujyi wa Dar Es Salaam.

Sponsored Ad

Ku gicamunsi cyo kuri uyu wa kane taliki ya 19 Ukuboza 2019, nibwo ubuyobozi bwa Yanga Africans bwaje kureba uyu kapiteni w’Amavubi,Haruna Niyonzima bemeranya ibijyanye n’umushahara n’ibindi hanyuma abasinyira imbanzirizamasezerano.

Niyonzima yasabwe kuvugana n’ikipe ya AS Kigali yakiniraga kugira ngo imuhe urupapuro rumwemerera kwerekeza muri iyi kipe ya Yanga Africans mu cyumweru gitaha agasinya amasezerano.

Ibiganiro byabaye kuri uyu wa kane i Kigali byagenze neza ku buryo Haruna Niyonzima ashobora kuzakina umukino wa Simba SC mu ntangiriro z’ukwezi gutaha, ari nabwo yakwerekwa abakunzi ba Yanga Africans, by’umwihariko ku mukino azaba ahuramo na Simba SC yatandukanye nayo muri iyi mpeshyi.

Haruna yakiniye Yanga Africans imyaka 6 ayihesha ibikombe 4 bya shampiyona, atwara ibikombe by’igihugu inshuro 2, atwara CECAFA Kagame Cup muri 2012, anabafasha kugera mu mukino y’amatsinda ya CAF Confederation Cup inshuro 2.

Haruna ukundwa cyane n’abakunzi ba Yanga,yari amaze imyaka ibiri n’igice ayivuyemo aho yerekeje muri Mukeba Simba SC atagiriyemo ibihe byiza bituma agaruka mu Rwanda muri AS Kigali.

Haruna yamaze gusubira muri Yanga Africans

AMAFOTO: Funclub.rw