Kigali
startimes

Hemed yagereranyije KNC nk’imbeba yigambye kurongora nyirahuku zikayimira bunguri

Imyidagaduro   Yanditswe na: Martin Munezero 31 October 2019 Yasuwe: 3907

Kuri uyu wa kane Kiyovu Sports na Gasogi United zigomba kwisobanura, mu mukino w’umunsi wa gatandatu wa shampiyona urabera kuri Stade ya Kigali i Nyamirambo.


Sponsored Ad


Ni umukino uratangira guhera saa kumi n’ebyiri z’umugoroba.

Mu gihe hakibura amasaha make ngo uyu mukino ube, ibikomeje kuvugwa hagati y’abayobozi b’amakipe yombi ni byinshi, buri umwe ahigira kuzababaza mugenzi we.

Magingo aya Kiyovu Sports iri ku mwanya wa wa gatandatu ku rutonde rwa shampiyona n’amanota 10, mu gihe Gasogi ari iya munani n’amanota atandatu.

Ku bwa Kakooza Nkuliza Charles (KNC) usanzwe ari perezida wa Gasogi United, ngo Kiyovu Sports igomba kwishyura ibyabereye kuri Gasogi i Huye, ubwo yahatsindirwaga na Mukura VS ibitego 2-1, mu mukino w’umunsi wa gatanu wa shampiyona.

Bwana KNC yemeza ko igeze kumva ko yari ikipe ikomeye, ariko kuri ubu atakiyizi mu makipe ahagaze neza.

Ati” Hari ahantu nasomye ko Kiyovu Sports yari ikomeye cyera ariko ndumva atari uko bikimeze. Nabonye nta n’abafana ikigira kuko abo nigeze kubona barira yamanutse bari bake. Ndashaka ko Rayon Sports izatsinda Etincelles. APR FC igatsinda Police FC kugira ngo bazaze kureba ibyo tuzakorera Kiyovu bishimye. Ni inshuti zacu.”

KNC kandi ahamya ko kuri uyu wa kane bagomba kwitwaza imbangukiragutabara ebyiri, zirimo imwe igomba gutwara kwa muganga Narindwa Theodore ushinzwe akanama k’amarushanwa muri Kiyovu Sports .

Ati” Twatumije Ambulance ebyiri; isanzwe y’umukino nk’uko bigenwa n’amategeko, n’indi yo gutwara Theodore, Kuko ntabwo mbona Theodore arangiza matche, ntabwo ashobora kuyirangiza, kuko ibintu bizamubaho ni isanganya rikomeye cyane.”

Ku ruhande rwa Theodore, ngo KNC ni nyamuzavuba mu mupira w’amaguru ari na yo mpamvu atagomba guha agaciro ibyo yatangaje ku wa mbere w’iki cyumweru ubwo yaganiraga n’itangazamakuru. Asanga kandi KNC na Gasogi baravuze bataramera amenyo, ibintu mu busanzwe bifatwa nk’amahano.

Theodore kandi yasabye KNC ko babanza gutera penaliti, mu rwego rwo kumwereka ko nta by’umupira azi.

Ati” Uriya (KNC) Ntabwo arakina n’umupira. Ese yazaje mbere y’umupira tugatera penaliti gusa, uwo nguwo witwa uwo wa Gasogi. Azaze agerageze mbere ya matche dutere penaliti, nawuhamya, nahamya umupira n’ishoti na rimwe…mbere yo gusaba Ambulance azaze dutere penaliti.”

Irya Theodore ryunzwemo na Minani Hemed ukuriye abafana ba Kiyovu Sports, wavuze ko agereranya KNC nk’imbeba yo muri Congo yigeze gusaba kwigamba gutera inda nyirahuku, imwe muri zo yayigeraho igahita iyimira.

Ati” Buriya KNC mugereranya n’imbeba, hari imbeba imwe muri Congo…hano i Goma yigeze kunywa viagra (Umuti wongerera abagabo akanyabugabo), irangije ihagarara hejuru y’umwobo iravuga ngo nyirahuku ziri he ngo nzitere inda? Nyirahuku ya mbere yaje yahise iyimira.”

Hemed kandi ngo asanga KNC yari akwiye kujya mu ntore aho kuba perezida w’ikipe, ngo kuko yahabwa inshingano zo kuvuza induru kandi bikaryoshya injyana.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Valence

    Ibyo bikuta muterana nibyo bituma tuza kubareba mukanya!

    October 2019

Inzindi nkuru

Wayne Rooney yashinje Sir Alex Ferguson kubatsindisha ku mikino 2 ya nyuma...

Rutahizamu Wayne Rooney wamenyekanye cyane mu ikipe ya Manchester United...
4 August 2020 Yasuwe: 1813 0

Umugore wa Didier Drogba yatangaje amwe mu mabanga y’urugo rwabo

Umugore wa Didier Drogba witwa Lalla Diakité,ukomoka mu gihugu cya Mali mu...
4 August 2020 Yasuwe: 4500 0

Iker Casillas yasezeye ku mupira w’amaguru yubatsemo amateka...

Umunyezamu w’umunyabigwi,Iker Casillas Fernández wakoze amateka mu ikipe ya...
4 August 2020 Yasuwe: 952 0

Karekezi Olivier avuga ko atazaza gutoza Kiyovu Sports ikirimo umwuka...

Umutoza mushya wa Kiyovu Sports,Karekezi Olivier,yatangaje ko nubwo afite...
4 August 2020 Yasuwe: 1557 0

Danny Rose wa Tottenham arambiwe kubazwa n’abapolisi niba imodoka ye atari...

Danny Rose, myugariro w’ikipe ya Tottenham Hotspur yo muri Premier League...
4 August 2020 Yasuwe: 2778 0

Arsene Wenger yatangaje amakipe 2 aha amahirwe yo kwegukana UEFA Champions...

Uwahoze ari umutoza wa Arsenal,Arsene Wenger usigaye akundwa na benshi mu...
4 August 2020 Yasuwe: 2335 0