Kigali

Ibiri kuvugwa mbere y’umukino wa Rayon Sports na Police FC

Imyidagaduro   Yanditswe na: Martin Munezero 5 May 2019 Yasuwe: 2854

harabura iminota mike ngo rwambikane hagati ya Rayon Sports na Police FC mu mukino ugiye kubera kuri Stade Amahoro i Remera, ni umukino uvuze byinshi muri shampiyona y’u Rwanda Azam Rwanda Premier League.



Mu gihe uyu mukino uratangira saa 15:30 Rayon Sports yawutsinda, yahita ikura APR FC ku mwanya wa mbere imaranye igihe kitari gito, yahita ishyiramo ikinyuranyo cy’inota rimwe.

Abatoza ku mpande zombi bafite ishyaka n’ ikizere cyo gutsinda uyu mukino. By’ umwihariko Rayon Sports umugambi ni ukwirinda gukora ikosa ryatuma itakaza umukino n’ umwe mu mikino isigaye kugira ngo yegukane igikombe cya shampiyona.

Umurundi Jules Ukimwengu ukinira Rayon Sports niwe mukinnyi umaze gutsinda ibitego byinshi muri iyi shampiyona, ibitego 16. Akurikirwa na Hakizimana Muhadjiri wa APR FC ufite 14 , na Sarpong Michael wa Rayon S. ufite 13.

Ulimwengu yavuze ko abakinnyi ba Rayon Sports bahagaze neza ndetse ko n’ umwuka mu rwambariro ari mwiza bityo ko biteguye gutsinda uyu mukino.

Yabwiye Teradignews dukesha iyi nkuru ko “yishimiye ko ari kwitwara neza agashakiraikipe ye ibitego dore ko mu mukino bakinnye na Espoir FC y’i Rusizi yabashije gutsinda ibitego bibiri muri bine batsinze.”

Yakomeje agita ari “Ndashaka ko dukomeza gutsinda tugakusanya amanota menshi ashoboka mu mikino isigaye. Ntidushobora gukora ikosa iryo ariryo ryose”. Niko yabwiye The New Times.

Roberto Oliveira, utoza Rayon Sports ati “Ulimwengu ni impano idasanzwe. Arafatanya n’ umwataka mugenzi we Sarpong kubona ibitego muri Police”.

Umutoza w’ agateganyo wa Police FC , Maurice ‘Maso’ Nshimiyimana afite icyizere ko abasore be baza gukora neza bagatsinda Rayon Sports, niko yabwiye itangazamakuru.

Yagize ati “Turakora uko dushoboye tubone amanota atatu. Abakinnyi bifitiye ikizere kandi bameze neza barabikora.”

Aya makipe yombi nta bakinnyi ngenderwaho bafite ibibazo by’imvune cyangwa se amakarita menshi y’umuhondo yatuma badakina uyu mukino.

Kwinjira muri sitade Amahoro ushaka kureba uyu mukino, ni ukwitwaza ibihumbi 20 by’amafaranga y’u Rwanda (20,000 FRW) ku bantu bicara mu myanya y’icyubahiro cyo hejuru (VVIP).

Imyanya yegeranye n’ahicara abiyubashye cyane barishyura ibihumbi icumi (10,000 FRW) mu gihe igice kiri imbere y’ahicara abanyamakuru haraba hishyurwa ibihumbi bitanu (5,000 FRW). Ku ntebe z’umuhondo zisoza ahatwirikiriye barishyura ibihumbi bitatu (3,000 FRW) mu gihe ahasigaye hose ari igihumbi (1,000 FRW).

Muri macye kwinjira ku mukino wa Police FC na Rayon Sports ni: 20,000 FRW, 10,000 FRW, 5,000 Frw, 3000 FRW na 1,000 FRW.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

U Rwanda rwisanze mu itsinda rimwe na Uganda muri CHAN 2020

Tombola y’uko amakipe azahura mu mikino ya nyuma ya CHAN 2020 izabera muri...
17 February 2020 Yasuwe: 1567 0

Stephen Curry ukundwa na benshi muri NBA n’umugore we baciye ibintu kubera...

Umukinnyi ukomeye mu ikipe ya Golden State Warriors, Stephen Curry w’imyaka...
17 February 2020 Yasuwe: 3354 0

Rayon Sports na APR FC zatomboranye n’ibigugu mu mikino y’igikombe cy’Amahoro...

Amakipe y’ibigugu hano mu Rwanda Ariyo APR FC na Rayon Sports zamaze kumenya...
17 February 2020 Yasuwe: 3800 0

Amavubi yamenye inkangara aherereyemo muri Tombola y’amatsinda ya CHAN...

Kuri uyu wa Mbere taliki ya 17 Gashyantare 2020, nibwo mu mujyi wa Yaounde...
17 February 2020 Yasuwe: 1748 0

Perezida Kagame yahuye na perezida wa CAF na Samuel Eto’o baganira ku...

Kuri iki cyumweru taliki ya 16 Gashyantare 2020,Nyakubahwa perezida wa...
17 February 2020 Yasuwe: 2571 0

Rayon Sports yongeye gukorwa mu jisho na Sunrise FC iha rugari APR FC ku...

Ibintu byazambye kuri Rayon Sports yatsinzwe ubugira kabiri muri shampiyona...
16 February 2020 Yasuwe: 3226 2