Kigali
startimes

Ibyishimo byatumye abafana ba Napoli bashyira ubuzima bwabo mu kaga bica amabwiriza yo kwirinda Coronavirus [AMAFOTO]

Imyidagaduro   Yanditswe na: 18 June 2020 Yasuwe: 1855

Mu ijoro ryakeye nibwo ikipe ya Napoli FC yo mu Butaliyani yaraye itwaye igikombe cy’igihugu “Coppa Italia” itsinze Juventus kuri penaliti 4-2 gusa abafana b’iyi kipe barenzwe n’ibyishimo barenga ku mabwiriza yo guhana intera mu rwego rwo kwirinda coronavirus,bishimira intsinzi begeranye karahava.



Abafana ba Napoli bibagiwe ko Leta y’Ubutaliyani yashyizeho amabwiriza yo guhana intera ya metero ku bantu batabana mu rwego rwo kwirinda ikwirakwira rya Coronavirus,bishimira igikombe begeranye abandi bahoberana.

Ikipe y’Umutoza Gennaro Gattuso yatwariye iki gikombe kuri Stadio Olimpico yo mu mujyi wa Rome ituma abafana bayo birekura amagara yabo bayashyira ku ruhande.

Nyuma yo kunganya 0-0 hagati ya Napoli na Juventus, hahise haterwa penaliti zahiriye Napoli kuko Dybala na Danilo bazihushije ku ruhande rwa Juventus mu gihe Napoli yatsindiwe na Lorenzo Insigne, Matteo Politano, Nikola Maksimovic na Arkadiusz Milik.

Iki gikombe cya Coppa Italia Napoli yatwaye n’icya 6 cyayo ariko yaherukaga ikindi mu mwaka wa 2014 yahawe na Rafa Benitez.

Abafana ba Napoli bitwikiriye ijoro ari benshi cyane bahurira mu mujyi bishimira iki gikombe biyibagije gahunda yo kwirinda Coronavirus.

Itegeko ryo guhana intera hagati y’abantu batabana Guverinoma y’Ubutaliyani yarishyizeho mu rwego rwo kurinda abaturage Coronavirus cyane ko iki gihugu cyatakaje abantu ibihumbi 30 ahitanwe n’iki cyorezo.

Benshi muri aba bafana ntibigeze bambara udupfukamunwa ubwo basohokaga kwishimira iyi ntsinzi ariyo mpamvu hashobora kuboneka abanduzanya.

Aba bafana biraye mu mihanda rwagati y’umujyi wa Napoli baririmba indirimbo zisingiza iyi kipe ndetse bamwe muri bo bari bambaye ubusa hejuru.




Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba urutonde rw’abakinnyi 25 beza ba FC Barcelona b’ibihe byose bayobowe na...

Abafana n’abaterankunga b’ikipe ya FC Barcelona batoye umukinnyi mwiza...
14 July 2020 Yasuwe: 1167 0

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 281 0

APR FC igiye kurekura abakinnyi barimo Sugira Ernest

Ubuyobozi bwa APR FC bwahaye uburenganzira Sugira Ernest na Nkomezi Alex...
13 July 2020 Yasuwe: 2862 0

Murumuna wa Serge Aurier yarasiwe inyuma y’akabyiniro arapfa

Umuvandimwe w’umukinnyi wa Tottenham Serge Aurier yishwe arashwe mu mu mujyi...
13 July 2020 Yasuwe: 2090 0

Manchester City yatsinze UEFA yemererwa kugaruka muri UEFA Champions...

Ikipe ya Manchester City yatsinze urubanza rwo kujuririra ibihano yari...
13 July 2020 Yasuwe: 718 0

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2362 0