skol
Kigali
startimes

Igihe ntakuka shampiyona y’Ubwongereza izasubukurirwa n’amakipe azabanza kwesurana byamenyekanye

Imyidagaduro   Yanditswe na: Dusingizimana Remy 28 May 2020 Yasuwe: 4606

Kuwa Gatatu tariki ya 17 Kamena 2020 nibwo Premier League yari imaze igihe kinini idakinwa kubera COVID-19 izasubukurirwa aho amakipe akina iyi shampiyona yemeranyije ko habanza gukinwa imikino y’ibirarane.


Amakipe yose uko ari 20 akina Premier League yemeye gusubukura imyitozo mu minsi ishize ariko ku munsi w’ejo nibwo yemeye ko hakorwa imyitozo yo gukoranaho kw’abakinnyi muri rusange.

Nyuma y’amezi 3 Premier League izaba imaze idakinwa hazatangira hakinwa imikino itarakiniwe igihe irimo uwa Aston Villa vs Sheffield United na Manchester City vs Arsenal.Indi mikino izakomeza muri Weekend ya tariki ya 19, 20 na 21Kamena 2020.

Iyi mikino yombi nikinwa kuwa 17 Kamena uyu mwaka, buri kipe yose muri premier League izaba imaze gukina imikino 29 muri 38 ikinwa muri iyi shampiyona ikundwa na benshi ku isi.

Abakinnyi 12 nibo bamaze gusanganwa icyorezo cya COVID-19 mu bipimo bitandukanye byafashwe mu minsi ishize, mu bakinnyi n’abandi bagize amakipe 20 yose akina muri shampiyona y’u Bwongereza.

Gahunda yo gupimwa izakomeza buri Cyumweru harebwa uko ubuzima bw’abakinnyi buhagaze.

Premier League yahagaritswe kuwa 13 Werurwe 2020 nyuma y’aho Coronavirus yari yageze mu bakinnyi n’abatoza,aho ku ikubitiro yafashe umutoza wa Arsenal,Mikel Arteta na rutahizamu wa Chelsea,Callum Hudson Odoi.

Imikino izakinwa nta bafana bari mu masitade ndetse ngo uyu mwanzuro ushobora kuzamara umwaka wose ushyirwa mu bikorwa igihe cyose nta muti cyangwa urukingo bya Coronavirus biraboneka.Aho iyi mikino izabera ntabwo haratangazwa cyane ko bivugwa ko ishobora gukinirwa ku bibuga byihariye ariko bamwe ngo barifuza ko bakomeza gukinira ku bibuga byabo.

Impaka z’ibibuga bigomba gukinirwaho ziracyahari gusa hari icyizere ko imikino 92 isigaye izarangira mu byumweru 6 gusa.

Ikindi amakipe ari gupfa n’umutekano w’abakinnyi ndetse n’amakipe agomba kumanuka ari gusaba ko shampiyona yagirwa imfabusa ntihagire umanuka.Icyemezo kizafatwa nyuma y’amatora ateganyijwe aho nibura umwanzuro uzemezwa ari uwatowe n’amakipe 14 muri 20 akina premier League.

Shampiyona y’Ubudage,Bundesliga,niyo yabimburiye izindi gusubukurwa mu byumweru 2 bishize,aho amakipe yesuranye karahava.

Izindi shampiyona zitegura gusubukurwa ni La Liga na Serie A ndetse abakinnyi batangiye imyitozo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bruno Fernandes yahishuye ikintu gikomeye Manchester United itazemerera...

Umukinnyi Bruno Fernandes wazamuye urwego rw’ikipe ya Manchester United kuva...
16 January 2021 Yasuwe: 3948 0

Arsenal na Mesut Ozil bumvikanye ku kintu gikomeye

Amakuru aturuka mu Bwongereza aravuga ko Arsenal yamaze kumvikana...
16 January 2021 Yasuwe: 4881 0

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 4762 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 4572 0

Umugore wa Lionel Messi yinjiye mu mukino w’iteramakofe [AMAFOTO]

Umugore wa Lionel Messi witwa Antonela Roccuzzo yashyize hanze amashusho...
16 January 2021 Yasuwe: 4498 0

Wayne Rooney wubatse izina mu Bwongereza yagizwe umutoza mukuru wa Derby...

Umwongereza Wayne Rooney wamamaye mu mupira w’amaguru akinira ikipe ya...
15 January 2021 Yasuwe: 4372 0