Kigali

Ikipe ya Everton yirukanye umutoza wayo

Imyidagaduro   Yanditswe na: Martin Munezero 6 December 2019 Yasuwe: 997

Ikipe ya Everton yatangaje ko yirukanye umutoza wayo,umunya Portugal Marco Silva wari uyimazemo amezi 18 nyuma yo kumara imikino 9 yikurikiranya atabona insinzi.



Marco Silva yahawe inshingano zo gutoza iyi kipe muri Gicurasi 2018, mu mikino 60 yatoje Everton yatsinze 24 anganyamo 24 iyindi 12 arayitsindwa. Yirukanywe nyuma yo gutsindwa na Liverpool ibitego 5 -2 kuri Stade Anfield ya Liverpool ikipe ikaba igiye gusigaranwa n’uwahoze ari umwataka wayo Duncan Ferguson ari nawe uzatoza umukino Everton irakinamo na Chelsea kuri uyu wa Gatandatu mu gihe hagishakishwa umutoza mukuru.

Everton imaze kwirukana abatoza 4 kuva muri 2016 ubwo yatandukanaga na Roberto Martinez, mu batoza bahabwa amahirwe yo kuza gusimbura Marco Silva bayobowe na David Moyes wahoze atoza Manchester United.

Marco Silva w’imyaka 42 abaye umutoza wa 5 wirukanywe muri shampiyona y’Ubwongereza kuva uyu mwaka w’imikino watangira nyuma ya Javi Gracia, Quiques Sanchez Florez wirukanywe na Watford, Mauricio Pochettino wavuye muri Tottenham na Unai Emery wa Arsenal.

Ku rutonde rw’agateganyo rwa shampiyona y’Ubwongereza Everton ihagaze mu murongo utukura kuko iri ku mwanya wa 18 n’amanota 14. Ikurikiwe na Norwich City, ifite amanota 11 na Watford iri ku mwanya wa nyuma n’amanota 8.

Ni mugihe Liverpool igikomeje kwerekana ko ishaka igikombe kuko yo irayoboye n’amanota 43 aho ikurikiwe na Leicester City ifite amanota 35.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mourinho yibasiye abayobozi be kubera umukinnyi bashaka kugurisha

Umutoza Jose Mourinho ntari gusiba mu binyamakuru kubera umwuka mubi uri...
26 January 2020 Yasuwe: 1334 0

APR FC yatangiye neza urugendo rwo kwisubiza igikombe cy’Intwari inyagira...

Ikipe ya APR FC yatangiye urugendo rwo kwisubiza igikombe cy’Intwari...
25 January 2020 Yasuwe: 3341 3

APR FC igiye gukina na Mukura VS idafite abakinnyi bayo batatu

Ikipe y’ingabo z’igihugu yasoje imyitozo ya nyuma yabereye ku kibuga...
25 January 2020 Yasuwe: 2313 0

Abafana ba Manchester United bateguye imyigaragambyo yo kwamagana abaherwe...

Abafana ba Manchester United bari mu kababaro k’uko ikipe yabo iri gutsindwa...
25 January 2020 Yasuwe: 2410 0

Kiyovu Sport niyo yasimbuye Rayon Sports mu gikombe cy’Intwari...

Mu itangazo FERWAFA yashyize ahagaragara kuri uyu wa Gatanu, yemeje ko...
25 January 2020 Yasuwe: 1492 2

Umukinnyi wahoze muri FC Barcelona yatangaje ikintu abakinnyi bayo bose...

Umukinnyi witwa Jean-Clair Todibo wa FC Barcena ariko watijwe muri Schalke...
24 January 2020 Yasuwe: 6456 0