Kigali
dnd

Ishyirahamwe ry’umupira w’amaguru ryafatiwe ibihano na UEFA kubera Amasaruti y’abakinnyi

Imyidagaduro   Yanditswe na: Martin Munezero 23 December 2019 Yasuwe: 3850

Ni kenshi uzasanga hari abakinnyi barekana itsinzi mu buryo butandukanye aho kuri izo mpamvu.Ihuriro ry’amashyirahamwe y’umupira w’amaguru mu Burayi, UEFA, ryafatiye ibihano Ishyirahamwe ry’umupira w’amaguru muri Turkiya ndetse yihanangiriza abakinnyi basaga 20 kubera gukoresha insuhuzanyo ya gisirikare (salute) mu mikino yo mu Ukwakira, ubwo iki gihugu cyohrezaga ingabo muri Syria.



Iki gikorwa cyo gutera isaruti cyafashwe nabi bitewe n’ibibazo bya politiki byariho icyo gihe nk’uko byatangajwe na UEFA kuri uyu wa Gatanu ushize, itangaza ibyemezo byafashwe na komite yayo ishinzwe imyitwarire.

Iyi nkuru dukesha urubuga Alaraby iravuga ko abakinnyi b’ikipe y’igihugu basuhuje abafana bakoresha amasaruti ya gisirikare mu mikino yo guhatanira itike yo kujya mu Gikombe cy’u Burayi, ubwo bakinaga n’ u Bufaransa no mu wundi mukino bakinnye na Albania.

Abakinnyi bo mu ikipe ya İstanbul Başakşehir, barimo Umunya-Brazil Robinho, nabo ngo bakoresheje amasaruti mu mikino ya Europa League.UEFA ivuga ko ibyo abakinnyi bakoze bihabanye n’amategeko abuza kuzana ibikorwa biganisha kuri politiki ku masitade.

Abakinnyi 16 b’ikipe y’igihugu banengewe ibi bikorwa barimo Hakan Çalhanoğlu wa AC Milan, Merih Demiral wa Juventus, na Cenk Tosun wa Everton.

UEFA ikaba yategetse Ishyirahamwe ry’umupira w’amaguru muri Turkiya kwishyura amande y’Amayero 50,000 (50,800$).Mu mikino ya Europa yo mu Ukwakira, abakinnyi ba İstanbul Başakşehir nabwo bakoresheje amasaruti mu mukino wabahuzaga n’ikipe yo muri Autrichia yitwa Wolfsberger. Abakinnyi batandatu barihanangirijwe barimo Robinho na Edin Visca, ukomoka muri Bosnia.

Bivugwa ko ayo masaruti yakoreshejwe mu rwego rwo kugaragaza ko bashyigikiye ingabo za Turkiya zoherejwe mu majyaruguru ya Syria mu bice bibarizwamo inyeshyamba z’Abakurde zirwanya ubutegetsi bwa Turkiya.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sefu yahishuye abatoza 3 adashobora kwibagirwa kandi azahora ashimira mu...

Niyonzima Olivier Sefu ukinira APR FC,avuga ko kuva yatangira ruhago hari...
18 January 2020 Yasuwe: 2870 0

Ally Niyonzima yahishuye impamvu yahisemo gusinyira ikipe ya Rayon Sports...

Umukinnyi wohagati mu kibuga Ally Niyonzima wari usanzwe akina muri Oman,...
17 January 2020 Yasuwe: 3086 0

Xavi yavuze impamvu yanze gutoza ikipe ya FC Barcelona

Umunyabigwi Xavi Hernandez wakiniye igihe kinini FC Barcelona akayihesha...
17 January 2020 Yasuwe: 3098 0

Cristiano Ronaldo yafashwe nk’umuhanuzi kubera ibyo yabwiye mugenzi we...

Rutahizamu wa Juventus,Cristiano Ronaldo,aravugwaho kuba yarafashe umwanya...
17 January 2020 Yasuwe: 6431 0

Mashami yongerewe igihe cyo gukomeza gutoza Amavubi

Minisiteri ifite Siporo mu nshingano zayo yakuye abakunzi ba Siporo mu...
16 January 2020 Yasuwe: 1761 0

Rutahizamu Roberto Firmino yiyeguriye Imana abatirizwa muri Pisine ye...

Rutahizamu wa Liverpool,Roberto Firmino yiyeguriye Imana abatirizwa muri...
16 January 2020 Yasuwe: 3983 1