Kigali

Jules Ulimwengu na Sarpong bagiye kugaruka muri Rayon Sports kubera icyorezo cya Coronavirus kiri mu Bushinwa

Imyidagaduro   Yanditswe na: Dusingizimana Remy 29 January 2020 Yasuwe: 3970

Ba rutahizamu babiri ba Rayon Sports Jules Ulimwengu na Michael Sarpong bari baragiye mu igeragezwa mu gihugu cy’u Bushinwa bagiye kugaruka mu Rwanda bakinire Gikundiro imikino yo kwishyura ya shampiyona y’u Rwanda.



Aba bakinnyi bakoze amateka muri shampiyona y’u Rwanda umwaka ushize bagatsinda ibitego 36 bonyine, bagiye kugaruka muri Rayon Sports igitaraganya kubera ko ibikorwa byose by’imikino mu Bushinwa byahagaritswe kubera icyorezo cya Coronavirus cyateye iki gihugu.

Kuri uyu wa Mbere tariki 27 Mutarama 2020 nibwo ubuyobozi bwa Komite Olempike y’u Bushinwa bwatangaje ko guhera ubu nta gikorwa na kimwe cy’imikino cyemerewe gukorerwa muri iki gihugu kugeza igihe kitazwi, kubera icyorezo cya Coronavirus kimaze guhitana abarenga 132 mu gihe bantu ibihumbi 6000 bamaze gufatwa n’iki cyorezo nkuko amakuru abitangaza

Imikino mpuzamahanga igihugu cy’u Bushinwa cyagombaga kwakira muri Gashyantare na Werurwe irimo n’iyo gushaka itike y’imikino Olempike izabera mu Buyapani mu mpeshyi y’uyu mwaka yimuriwe mu bihugu nka; Australia, Taiwan na Thailand.

Ni muri urwo rwego n’abakinnyi ba Rayon Sports bari bamaze iminsi bakora igeragezwa mu makipe atandukanye yo mu Bushinwa bagiye kugaruka mu Rwanda bagakomeza gukinira Rayon Sports bafitiye amasezerano.

Biteganyijwe ko aba bakinnyi babiri bazasubira mu Bushinwa kumvikana n’amakipe yari yabashimye mu mpeshyi y’uyu mwaka barangije shampiyona y’u Rwanda n’igikombe cy’Amahoro.

Ibi birongerera abatoza ba Rayon Sports amahirwe yo guhitamo abahagaze neza kurusha abandi mu busatirizi kuko hagiye kuba guhanganira umwanya hagati ya Jules Ulimwengu, Michael Sarpong, Drissa Dagnogo, Bannen Philippe Arthur, Bizimana Yannick Maxime Sekamana na Gilbert Mugisha.

Inkuru dukesha urubuga rwa Rayon Sports

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

#TdRwanda:Restrepo yegukanye agace ka 3 kanyuze muri Nyungwe,Biniam ahita...

Umunya Colombia witwa Restrepo Jhonatan ukinira ikipe ya Androni...
25 February 2020 Yasuwe: 1742 0

Umugore wa Kobe Bryant yareze kompanyi y’indege yahitanye abarimo umugabo we...

Umupfakazi wa Kobe Bryant witwa Vanessa Bryant yatanze ikirego mu rukiko...
25 February 2020 Yasuwe: 1079 0

Umukinnyi wa Liverpool yicujije ubugome yakoreye Lionel Messi

Myugariro wa Liverpool, Andy Robertson,yatangaje ko yicuza cyane kubera...
25 February 2020 Yasuwe: 3221 0

Ikipe ifanwa n’abakobwa bakurura abagabo kurusha abandi mu Bwongereza...

Ubushakashatsi bwakozwe n’ikigo cyitwa Free Super Tips ku makipe yose yo mu...
25 February 2020 Yasuwe: 3272 0

Robertinho yasembuye abafana ba Rayon Sports kubera ubutumwa yashyize kuri...

Umutoza Roberto Oliveira Goncalves do Carmo uzwi nka Robertinho yasembuye...
25 February 2020 Yasuwe: 8978 0

Hagati y’Amavubi y’u Rwanda n’Intare za Cameroon rwabuze gica

Umukino wa Gicuti wahuje ikipe y’igihugu Amavubi na Cameroon, warangiye...
24 February 2020 Yasuwe: 4704 0