addresiya
Kigali
startimes

Jurgen Klopp yateye intambwe ikomeye mu rugamba rwo gusinyisha Kylian Mbappe

Imyidagaduro   Yanditswe na: Dusingizimana Remy 26 April 2020 Yasuwe: 3908

Umutoza wa Liverpool,Jurgen Klopp yatangiye urugamba rwo gusinyisha rutahizamu wa PSG,Kylian Mbappe aho bivugwa ko yahamagaye kuri telefoni se w’uyu mukinnyi baganira kuri gahunda amufitiye niyemera ko bamusinyisha.



Nubwo bivugwa ko Real Madrid ariyo ifite amahirwe menshi yo gusinyisha Mbappe,umutoza Klopp yanze kuva ku izima nawe, aho yafashe umwanzuro wo kuganira n’umubyeyi w’uyu mukinnyi kuri telefoni kugira ngo amwumvishe ko agomba kujya muri Liverpool.

Mu minsi ishize mbere y’uko Coronavirus ihagarika ubuzima bw’abatuye isi,amakuru yavugaga ko Mbappe yamaze kumvikana na Real Madrid kuzayerekezamo mu mpeshyi gusa kuri ubu na Klopp aracyafite icyizere cyo kumwegukana.

Uwitwa Jerome Rothen wakiniye PSG, Monaco na Rangers ndetse agakinana na Zinedine Zidane mu Bufaransa yavuze ko amakipe ashaka Mbappe akwiriye kubivamo kuko uyu musore ukiri muto yamaze kumvikana na Real Madrid.

Yagize ati “Amakuru nkura mu ikipe avuga ko ibiganiro byo kwerekeza muri Real Madrid kwa Mbappe byarangiye gusa kubera ibihe bibi turimo,kugera muri Real Madrid kwa Mbappe gushobora gusubikwa.”

Hamaze iminsi amakuru avuga ko umutoza Jurgen Klopp atagicana uwaka na Sadio Mane nyuma y’aho mu minsi ishize yavuze ko Virgil Van Dijk ariwe ukwiriye Ballon d’Or kumurusha kandi bose baritangiye Liverpool.

Amakuru avuga ko Zidane yifuza Mane ndetse uyu munya Senegal yamaze kwerekeza umutima we i Santiago Bernabeu mu mwaka w’imikino utaha.

Real Madrid yo muri Espagne ifite gahunda yo kwiyubaka bikomeye ubwo isoko rizaba rifunguye ariyo mpamvu yiyemeje kugurisha abakinnyi 6 bo mu ikipe ya mbere barimo Gareth Bale na James Rodriguez kugira ngo ikusanye miliyoni zirenga 100 z’amapawundi.

Iyi kipe ikina La Liga irashaka kurekura aba bakinnyi bayo 6 mu rwego rwo gukusanya amafaranga yo kuzashora ku isoko rizafungura mu minsi iri imbere.

Abakinnyi bivugwa ko bazagurishwa barimo Lucas Vazquez, Mariano Diaz, Alvaro Odriozola,Nacho Fernandez,Gareth Bale na James Rodriguez.

Ntabwo bizwi neza igihe isoko rizafungurirwa kubera ibibazo byatejwe na Coronavirus,gusa biravugwa ko igiciro cy’abakinnyi kizamanuka cyane bitewe nuko ubukungu bw’isi yose bwasubiye inyuma kubera iki cyorezo kimaze guhitana abarenga ibihumbi 100 ndetse abacyanduye bakaba bararenze miliyoni 2.

Real Madrid irashaka gukusanya nibura miliyoni 105 muri aba bakinnyi bose kugira ngo ibone uko igura Kylian Mbappe wa PSG yifuje kuva kera.

Ku rundi ruhande,Liverpool yatwaye UEFA Champions League iheruka ndetse uyu mwaka ikaba ifite amahirwe yo kwegukana shampiyona iheruka mu myaka 30 ishize,irifuza gukaza ubusatirizi kugira ngo ikomeze iyobore u Burayi.

Ntabwo aribwo bwa mbere Klopp avuzweho gushaka Mbappe kuko no mu ntangiriro z’uyu mwaka byavuzwe gusa ntibyashinga imizi mu binyamakuru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Bruno Fernandes yavuze amagambo asingiza bikabije Cristiano Ronaldo...

Umunya Portugal, Bruno Fernandes ukinira ikipe ya Manchester United...
27 May 2020 Yasuwe: 873 0

RIB igiye gukora iperereza ku bibazo bya ruswa no kunyereza umutungo...

Urwego rw’igihugu rw’ubugezacyaha[RIB], rugiye gutangira iperereza ku birego...
27 May 2020 Yasuwe: 1652 0

Akayabo Kiyovu Sports yahaye Kimenyi Yves agatera umugongo Rayon Sports...

Umunyezamu wa mbere w’ikipe y’igihugu,Amavubi,wari umaze umwaka mu ikipe ya...
27 May 2020 Yasuwe: 3351 1

Munyakazi Sadate na komite ye bahagaritswe ku mirimo yabo n’umuryango wa...

Umuryango wa Rayon Sports uhagarariwe na Bwana Ngarambe Charles ndetse...
25 May 2020 Yasuwe: 3034 0

Munyakazi Sadate yandikiye Perezida Kagame amusaba kumufasha gukemura...

Umuyobozi w’ikipe ya Rayon Sports,Munyakazi Sadate yandikiye Nyakubahwa...
25 May 2020 Yasuwe: 3194 0

KNC yatangaje igihe ikipe ye ya Gasogi United izatangira gukinira kuri...

Umuyobozi w’ikipe ya Gasogi United,Kakooza Nkuriza Charles uzwi nka KNC...
25 May 2020 Yasuwe: 3221 0