skol
fortebet

Karim Benzema yakoze agahigo kananiye Cristiano Ronaldo na Messi

Yanditswe: Monday 01, Apr 2019

Sponsored Ad

Rutahizamu Karim Benzema wa Real Madrid yaraye akoze agahigo kananiye Messi ndetse na Ronaldo muri shampiyona ya La Liga ko kwinjiza igitego buri kipe yose yahuye nayo.

Sponsored Ad

Igitego Karim Benzema yaraye atsinze Huesca ku munota wa nyuma mu ijoro ryakeye,cyatumye Benzema yuzuza ikipe ya 34 atsinze muri iyi shampiyona akuraho agahigo ka Hugo Sanchez watsinze amakipe 33 muri 34 yahuye nayo.

Messi ufite uduhigo twinshi muri La Liga,yatsinze amakipe 37 muri 40 yahuye nayo ariko ntiyabashije kwinjiza ibitego amakipe arimo Cadiz, Murcia n’iyi Huesca.

Cristiano Ronaldo yatsinze ibitego amakipe 32 kuri 33 yahuye nayo ubwo yari mu ikipe ya Real Madrid mbere yo kwinjira muri Juventus.

Karim Benzema wafashije Real Madrid kwigaranzura Huesca yari yayihagamye ku munota wa 90,yujuje ikipe ya 34 muri 34 yahuye nayo bituma yandikwa mu binyamakuru byose ko aciye agahigo kananiye Messi na Ronaldo.

Kugira ngo Messi akureho aka gahigo ka Benzema,bisaba ko aya makipe atarasinda yabona amahirwe yo guhura nayo akayatsinda ibitego cyane ko we akiri muri La Liga.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa