skol
Kigali
startimes

Kiyovu Sports yirukanye abakinnyi 7 nyuma yo kwigaragaza ku isoko

Imyidagaduro   Yanditswe na: Dusingizimana Remy 16 September 2020 Yasuwe: 2042

Kiyovu Sports yatandukanye n’abakinnyi 7 barimo n’abayifashije mu mwaka w’imikino ushize, nyuma yo kwigaragaza ku isoko igura abakomeye barimo umunyezamu Kimenyi,Babuwa n’abandi.


Nubwo bamwe muri aba bakinnyi bari basigaje amasezerano y’ umwaka umwe,Kiyovu Sports yabamenyesheje ko itazabakenera mu mwaka utaha,niko kubaha amabaruwa abemerera kwigendera.

Kiyovu Sports n’imwe mu makipe yiyubatse cyane ndetse igura abakinnyi benshi kandi bakomeye barimo Babuwa Samson, Irambona Eric, Ngendahimana Eric, Kimenyi Yves, Ngando Omar, Bigirimana Adedi na Issa Keita.

Abakinnyi bose basezerewe bari basigaranye umwaka umwe, harimo umunyezamu Bwanakweli Emmanuel, Nahimana Issiaka, Menezero Fiston, Okenge Lulu Kevin, Nsengiyumva Mustafa, Sibomana Arafat na Rutsiro iyi kipe yagurishije muri Gorilla FC.

Yatandukanye kandi n’umunyezamu Ishimwe Patrick wari usoje amasezerano ye.

Ikipe ya Kiyovu Sport, ikomeje kwiyubaka yitegura umwaka w’imikino wa 2020-2021, cyane ko ubuyobozi bw’iyi kipe ndetse n’abakunzi bayo bavuga ko ari cyo gihe cy’iyi kipe cyo kuba bakwegukana kimwe mu bikombe bikinirwa mu Rwanda (icya shampiyona n’icy’Amahoro).

Biravugwa ko bamwe mu bakinnyi birukanywe amasezerano yabo atarangiye bashobora kwitabaza inkiko igihe cyose batahabwa imperekeza.

Ku munsi w’ejo,Ubuyobozi bw’ikipe ya Kiyovu Sport buhagarariwe na Mvuyekure Francois, bwatangaje amazina y’abagabo bane bari muri komisiyo ishinzwe gutegura amatora azashyiraho ubundi buyobozi bushya, nyuma yo gusoza manda ya komite nyobozi icyuye igihe.

Nkuko bigaragara mu ibaruwa yandikiwe abanyamuryango bose b’umuryango wa Kiyovu S.A, umuyobozi w’uyu muryango ari we Mvuyekure Francois, yamenyesheje abanyamuryango bose b’iyi kipe ko abagize komisiyo y’amatora ari:

1. Mutabazi Abayo Jean Claude (Perezida)
2. Makombe Jean Marie Vianney (Umwanditsi)
3. Bushayija Leonard (Ushinzwe kubara amajwi)
4. Mugabe Fidele (Ushinzwe kubara amajwi)

Nkuko umuyobozi wa Kiyovu yakomeje abivuga muri iyi baruwa,inama y’inteko rusange idasanzwe y’iyi kipe iteganyijwe kuwa 29 Nzeri 2020, hanyuma ibirebana n’amabwiriza ndetse n’aho izabera bakazahamenyesha abanyamuryango mu gihe cya vuba, bamaze kuganira n’abo bagize komisiyo ishinzwe gutegura no kuzayobora amatora.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Josep Maria Bartomeu yamaze kwegura ku buyobozi bwa FC Barcelona

Perezida wa FC Barcelona, Josep Maria Bartomeu,yamaze gutanga ubwegure bwe...
27 October 2020 Yasuwe: 901 0

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 790 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 2102 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 1912 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1393 0

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 4210 1